அரசியல் அராஜகம்

நம் நாட்டில் நீங்க எதாவது அரசியல் கட்சியில் இருந்தா போதும்
(அது 1,2, எம்.எல்.ஏ உள்ள சுன்டக்கா கட்சியா இருந்தாலுமே) நீஙக எப்படி வேண்டுமானாலும் பொய் சொல்லலாம் எப்படி வேண்டுமானாலும் பல்ட்டி அடிக்கலாம் என்னா வேனா டிராமா போடலாம் ஏமாறாதவன,வழிக்கு வராதவன மென்ட்டல்னு சொல்லலாம்.

அவன் துஸ்ட்டன கன்டு ஒதுங்கி போயிடனும், அல்லது அவங்க கேப்பைய்யில நெய் வடியுது அப்டீன்னா ஆஆஆமாங்கனும், தப்பி தவறி அந்த கட்சிய பத்தியோ அதன் தலைவர்களைப்பற்றியோ எதாவது சொன்னாஆஆஆஆஆஅ...
என்னா நடக்கும் அப்டீன்னு இங்க பாருங்கோஓஓஓஓ

பிப்ரவரி 14ல் முஸ்லிம்களின் வாழ்வுரிமைப் போராட்டம்!

இறைவனின் திருப்பெயரால்...
அன்புள்ள சகோதர, சகோதரிகளே! உங்கள் வாழ்க்கையில் எத்தனையோ போராட்டங்களுக்கு நீங்கள் அழைக்கப்பட்டிருக்கிறீர்கள். அவ்வாறு அழைக்கப்பட்ட போராட்டங்களில் பங்கு கொண்டும் இருக்கிறீர்கள்.

அதுபோன்ற போராட்டங்களில் ஒன்றாக பிப்ரவரி 14 போராட்டத்தை நீங்கள் கருதிவிட வேண்டாம். தலைவர்களுக்குப் புகழ் சேர்ப்பதற்காகவோ, அரசியல்வாதிகளிடம் உங்களைக் காட்டி தலைவர்கள் ஆதாயம் அடைவதற்காகவோ, கேளிக்கை நிகழ்ச்சிகளைக் கண்டு ரசிப்பதற்காகவோ, தலைவர்களின் தர்ம தரிசனத்துக்காகவோ உங்களை அழைக்கவில்லை.

இது முழுக்க முழுக்க உங்களுக்காகவும், உங்கள் நிலையை உயர்த்திக் கொள்வதற்காகவும், நீங்கள் படும் அவஸ்தைகளை உங்கள் வழித் தோன்றல்கள் பெறக்கூடாது என்பதற்காகவும் நடத்தப்படும் வாழ்வுரிமைப் போராட்டமாகும்.

இந்த நாட்டில் உள்ள அனைத்து சமுதாய மக்களும் உங்கள் கண்ணெதிரில் உயரத்துக்குச் சென்று கொண்டிருப்பது நீங்கள் அறிந்ததுதான். எல்லா சமுதாயத்தவரும் உயர் கல்வி பெற்று நல்ல வேலை வாய்ப்புக்களையும், அரசியல் அதிகாரத்தையும் பெற்றுள்ளதை நாம் அறிவோம்.ஆனால் உங்களின் நிலை என்னவென்பது உங்களுக்குத் தெரியுமா? நாட்டின் விடுதலைக்காக கல்வியையும், வேலைவாய்ப்புக்களையும் தியாகம் செய்த நம்மைத் தவிர மற்ற அனைவரும் நம்மை எல்லா வகையிலும் பின்னுக்குத் தள்ளிவிட்டு பல மடங்கு மேலே சென்று விட்டார்களே, அது பற்றிச் சிந்தித்தீர்களா? கூலித் தொழிலாளியாகவோ, இறைச்சிக் கடைக்காரராகவோ, நடைபாதையில் வியாபாரம் செய்பவராகவோ, கொல்லுப்பட்டறையில் கடின வேலை செய்வோராகவோ, தோல் பதனிடும் தொழிலாளியாகவோ, பெட்டிக்கடைகள் நடத்துபவராகவோ, குறைந்த ஊதியத்தில் கடைகளில் வேலை செய்பவராகவோ இருப்பவர்கள் நம் சமுதாயத்தில் மட்டும் அதிகமாக இருப்பது ஏன் என்று சிந்தித்துப் பார்த்தீர்களா? சொந்த நாட்டில் தகுந்த கல்வியும் தகுதிக்கேற்ற வேலையும் மறுக்கப்பட்டு நாம் மட்டும் வெளிநாடுகள் சென்று மனைவி மக்களைப் பிரிந்து அல்லல் படுவது ஏன்? ஒட்டகம் மேய்த்தல், சாலை போடுதல், கழிவுகளைச் சுத்தம் செய்தல், உயிரைப் பணயம் வைத்து உயரமான கட்டிடப் பணிகளில் கூலித் தொழில் செய்தல், தனியாருக்குக் காரோட்டும் வேலை, வீடுகளைச் சுத்தம் செய்தல்,சமையல் வேலை இப்படி அற்பமான ஊதியத்தில் வேலை பார்த்து நீங்கள் மட்டும் ஏன் அவல நிலையில் இருக்க வேண்டும்?

மற்றவர்கள் எல்லாம் மனைவி மக்களோடு மகிழ்ச்சியாக இருக்க, நீங்கள் மட்டும் தொலைபேசி மூலம் குடும்பம் நடத்துவது ஏன்? இதை மாற்றி அமைக்கும் பொறுப்பு உங்களுக்கு இருக்கிறதா அல்லது இல்லையா? இந்த அவல நிலைகளை சச்சார் மற்றும் மிஸ்ரா ஆகிய நீதிபதிகள் தங்களது விரிவான அறிக்கைகள் மூலம் மத்திய அரசிடம் விளக்கியிருக்கின்றனர்.

இந்த நிலையை மாற்றிட முஸ்லிம்களுக்கு தனி இடஒதுக்கீட்டை மத்திய அரசு உடனடியாக வழங்கிட வேண்டும். முன்னர் பெற்று வந்த உரிமைகளைப் பறிக்கும் வகையில் சிறுபான்மையினருக்கு 4.5 சதவிகித ஒதுக்கீடு என்பதை வாபஸ் பெற்று, முஸ்லிம்களுக்கு 10 சதவிகிதம், இதர சிறுபான்மையினருக்கு 5 சதவிகிதம் என்று ரங்கநாத் மிஸ்ரா கமிஷனின் பரிந்துரையின்படி வழங்க வேண்டும் என மத்திய அரசை வலியுறுத்தியும், தமிழகத்தில் முஸ்லிம்களுக்கு வழங்கப்பட்டுள்ள 3.5 சதவிகிதம் போதுமானதல்ல என்று திமுக மற்றும் அதிமுக ஆகியன ஒப்புக் கொண்டுள்ளதால், ஜெயலலிதா தனது தேர்தல் பிரச்சாரத்தின்போது வாக்களித்ததை நினைவூட்டும் வகையில் தமிழக ஒதுக்கீட்டை ஏழு சதவிகிதமாக உயர்த்தக் கோரியும் எதிர்வரும் பிப்ரவரி 14 அன்று தமிழகத்தின் அனைத்து மாவட்டங்களிலும் முஸ்லிம்களின் வாழ்வுரிமைப் போராட்டத்திற்கு முஸ்லிம் சமுதாயத்தினரை டி.என்.டி.ஜே அழைக்கிறது.

தலைவர்கள் துதிபாட, அரசியல் கட்சிகளுக்கு பலம் சேர்க்க, உன்னைக் காட்டி விலை பேசுவோருக்கு உன்னை அறியாமல் உதவ பல களங்களைச் சந்தித்துள்ளாய். இப்போது உனக்காக மானத்தோடும், மரியாதையோடும் நீ வாழ்வதற்காக, உனக்கு ஏற்பட்ட நிலை உன் சந்ததிகளுக்கும் ஏற்படாமால் தடுத்து நிறுத்திட நாங்கள் பட்ட துன்பங்களை எங்கள் சந்ததிகளுக்கும் விட்டுச் செல்லமாட்டோம் என்பதை அழுத்தமாகப் பதிவு செய்ய 60 ஆண்டுகளுக்கும் மேலாக ஏமார்ந்தது போதும், இனியும் ஏமாற மாட்டோம் என்பதை அரசியல்வாதிகளுக்கு உணர்த்திட குடும்பத்துடன் புறப்பட்டு வா! அலை அலையாய் திரண்டு வா! புயலெனப் புறப்பட்டு வா! இறைவன் உதவியால் வென்று காட்டுவோம்.

அன்புடன் அழைக்கிறது!

தமிழ்நாடு தவ்ஹீத் ஜமாஅத், மாநிலத் தலைமையகம்,
30, அரண்மனைக்காரன் தெரு, சென்னை 600001. போன்: 044 25215226.

மனிதநேய மக்கள் கட்சி காரைக்காலில் தெருமுனை பிரச்சாரம்

காரைக்கால் நகர மனிதநேய மக்கள் கட்சி சார்பாக காரைக்கால் நகர் முழுவதும் தெருமுனை பிரச்சாரம் நடைபெற்றது.

1) ராஜீவ் காந்தி மருத்துவ காப்பிடு திட்டத்தை மஞ்சள் நிற ரேசன் கார்டு வைத்திருக்கும் காரைக்கால் மாவட்டத்தில் உள்ள அனைத்து குடும்பத்தினருக்கும் அமல்படுத்த வேண்டும்,

2) புதுச்சேரி அரசு அறிவித்தபடி சூப்பர் ஸ்பெஷாலிட்டி மருத்துவமனையை காரைக்காலில் உடனடியாக அமைக்க வேண்டும்,

3) காரைக்கால் அரசு பொது மருத்துவமனையில் உள்ள அனைத்து துறைகளுக்கும் தகுதி வாய்ந்த மருத்துவர்களையும் மற்றும் 24 மணி நேரமும் அவசர சிகிச்சை பிரிவில் ஸ்பெஷல் மருத்துவர்களையும் நியமிக்க வேண்டும்,

4) காரைக்கால் அரசு பொது மருத்துவமனையில் உள்ள CT Scan மற்றும் அனைத்து மருத்துவ உபகரணங்களையும் செயல்படுத்த தகுதி வாய்ந்த தொழில்நுட்ப வல்லுனர்களை நியமிக்க வேண்டும்

என பல்வேறு கோரிக்கைகளை வலியுறுத்தி தெருமுனை பிரச்சாரம் நகர தலைவர் சிக்கந்தர் தலைமையில் நடைபெற்றது. இந்த தெருமுனை பிரச்சாரத்திர்கு மாவட்ட ஒருங்கிணைப்பாளர் ஷேக் அலாவுதீன், மாவட்ட தலைவர் லியாகத் அலி, மாவட்ட பொருளாளர் யூசுப்கான், மாவட்ட துணை தலைவர் ஷாஜஹான் ஆகியோர் முன்னிலை வகித்தனர். தலைமை செயற்குழு உறுப்பினர் எஸ்.பி.யூசுப், தமுமுக மாவட்ட செயலாளர் அப்துல் ரஹீம் ஆகியோர் சிறப்புரையாற்றினார். இந்த தெருமுனை பிரச்சாரமத்தில் நிரவாகிகள் சபுருதீன், ஹசனுதீன், சர்புதீன், ஜியாவுதீன், சாதிக், சதாம் பலர் கலந்து கொண்டனர், முடிவில் தமுமுக நகர செயலாளர் நஜிமுதீன் நன்றி கூறினார்

தஃவாக் களத்தை துவம்சம் செய்யும் தாயிக்கள்

எழுதியவர்/பதிந்தவர்/உரை மௌலவி அபூ நதா M.J.M.ரிஸ்வான் மதனி

மனிதன் இவ்வுலகில் தோற்றுவிக்கப்பட்ட நோக்கத்தை மறந்து மிருகங்களுக்கும், கால் நடைகளுக்கும் ஒப்பான கலாச்சாரத்தை அரங்கேற்றுகின்றபோது, அகிலங்களின் இரட்சகானகிய அல்லாஹ்வின் கோபத்திற்கு ஆளாகின்ற போது அவனை உண்மை மனிதனாக, இறை திருப்தியையும் அருளையும் பெற்றவனாக மாற்றுவதற்காக அல்லாஹ் தனது மனித தூதர்களை வானவத் தூதர்கள் மூலம் தெரிவு செய்து அழைப்புப் பணி செய்வதற்காக அவர்களை அனுப்பி வைக்கின்றான்.

தஃவா(அழைப்பு)ப்பணி மகத்தான பணியாகும். மரணத்தின் பின்னர் ஸதகா ஜாரியாவை – நிலையான தர்மத்தைப்- பெற்றுத்தரும் இப்பணியை அல்லாஹ்வால் தெரிவு செய்யப்பட்ட நபிமார்கள், இறைத்தூதர்கள், அவர்களின் வழியை அறிந்த நன்மக்கள் செய்தார்கள்.
اللَّهُ يَصْطَفِي مِنَ الْمَلَائِكَةِ رُسُلًا وَمِنَ النَّاسِ إِنَّ اللَّهَ سَمِيعٌ بَصِيرٌ

அல்லாஹ்தான் வானவர்களிலும்’, மனிதர்களிலும் இருந்து தூதர்கைளத் தெரிவு செய்கின்றான். நிச்சயமாக அல்லாஹ் நன்கு செவியுறுபவனும், பார்ப்பவனும் (அல்ஹஜ். வச: 75) என்று அல்லாஹ் குறிப்பிட்டுள்ளான்.

இந்த மகத்தான பணி செய்யும் தாயிக்கள், தஃவாக் களத்தை கொலைக் களமாக, விமர்சனக் களமாக, பிற சகோதர முஸ்லிமின் மானத்தை போக்கும் களமாக, பித்அத் களமாக, இரு கருத்திற்கும் சாதானகமான மஸாயில்களைக் கூறி பிளவுக்களமாக மாற்றி அமைக்கின்றனர் என்பதை சம கால நிகழ்வுகள் சுட்டிக்காட்டுகின்றது.

காடையர்கள் மயமாகிப் போன தஃவாக் களம்
நபிமார்கள் தமது சமூகத்திற்குப் பிரச்சாரம் செய்கின்ற போது அவர்கள் சார்ந்த சமூகத்தவர்களால் நோவிக்கப்பட்டார்கள். நையப்புடைக்கப்பட்டார்கள். அது மாத்திரமின்றி அவர்கள் கொலையும் செய்யப்பட்டனர். இது பற்றி இஸ்லாமிய அழைப்பாளர்கள் நன்கு அறிவார்கள்.

இஸ்லாத்தின் பக்கம் அழைப்பு விடுக்கும் பல அமைப்புக்கள் நவீன காலத்தில் களத்தில் இறங்கி இருக்கின்றன. இவற்றில் உள்ள சில அழைப்பாளர்கள் தம்மை முன்மாதிரி அமைப்பாக, பேணுதல் உள்ள அமைப்பாக, தக்வாவின் சின்னமாக சித்தரித்துக் கொண்டாலும் காடையர்களாக மாறி மற்றொரு சகோதர அமைப்பினைத் தாக்குவோராக, அவர்களின் சொத்துக்களைச் சேதப்படுத்துவேராக, இருக்கின்றனர்.

இதன் காரணமாக நீண்ட ஜுப்பாக்கள், நீளமான தாடிகள், அழகான சூரத்துடன் காட்சி தரும் இந்த தாயிக்கள் பலர் பொலிஸ் நிலையங்களுக்கும், நீதி மன்றங்களுக்கும் சென்றுவருவேராக இருக்கின்றனர். இதுதான் நபிமார்கள் செய்த தியாகமோ தெரியவில்லை.

தக்லீத் மயமாகிப் போயுள்ள தஃவாக்களம்
மத்ஹபு வாதிகளை மதம் மாறியோர் போன்று விமர்சித்தவர்கள் தமெக்கென ஒரு கூட்டத்தை தக்க வைத்துக் கொள்வதில் அக்கறையுடன் செயல்படுவதைப் பார்க்கின்றோம். எல்லா மத்ஹபும் வழிகேடு, எனது மத்ஹப் மாத்திரம் சரி, நானே அறிஞன், நானே பொது முஃப்தி, எனது கூற்றே நூறுவீதம் சரியானது என்ற நிலையில் செயற்படும் ஒருவரின் பின்னால் ஆராய்ச்சி இல்லாத, கண்ணை மூடிக்கொண்டு செல்கின்ற குருட்டு பக்தர்ர்கள் கூட்டம் ஒன்று குர்ஆன், சுன்னாவின் பெயரில் தக்லீத்வாதிகளாக மாறி, சிந்திக்கும் திறனற்றவர்களாக வாழ்ந்து கொண்டிருப்பதைப் பார்க்கின்றோம்.

தரீக்காவுக்கு ஷேகும், தப்லீக்வாதிக்கு மௌலானாவும், ஜமாத்துகளுக்கு அமீர் இருந்தால் ஏன் எனக்கு ஒருவர் இருக்கக் கூடாது என்ற நிலையில் தவ்ஹீதில் இருந்து கொண்டு தக்லீத் வாதம் பேசும் பலரைப் பார்க்கின்றோம்.

தக்லீத் வாதிகளை விமர்சிக்கும் பல தவ்ஹீத் முகல்லித்கள் சீடி தாயிக்களாக, பிறரின் நாவில் பேசுபவர்களாக, கேள்விப்பட்டதை எல்லாம் நம்பும், பிரச்சாரம் செய்யும் தாயிக்களாக இருக்கின்றனர்.

பாகிஸ்தானில் இருந்து உமர் அலிக்கு வஹி வருவது ஆகுமானதாக இருந்தால், ஈரான், எமன், எகிப்து போன்ற நாடுகளில் இருந்து ஷேக் நாயகத்திற்கு வஹி வரமுடியுமாக இருந்தால், டெல்லியில் இருந்து தப்லீக்குக்கு வஹிவருவது ஆகுமானதாக இருந்தால் தென்னிந்தாவில் இருந்து ஏன் எனக்கு வர முடியாது என்ற நிலைக்கு ஆளாகி உள்ளனர். இவர்களின் மீது பாவப்படுவதா? ஆத்திரப்படுவதா என்று தெரியவில்லை.

சில வருடங்களுக்கு முன் தவ்ஹீத் தாயி ஒருவர் அல்குர்ஆன் குறிப்பிடும் ‘லஹ்முல் கின்ஸீர்’ ‘பன்றியின் மாமிசம்’ என்ற பொருளை வைத்துக் கொண்டு புதிய விளக்கம் சொன்னார். பன்றியின் மாமிசம் என்றுதான் குர்ஆன் குறிப்பிடுகின்றது. அதன் பாகங்கள் பற்றிக் கூறவில்லை, அல்லாஹ் ஏன் அப்படிச் சொன்னான் தெரியுமா? விஞ்சானிகள் மனிதனுக்கு பன்றியின் இதயம் மாத்திரம் பொருந்திப் போவதாக கண்டுபிடுத்துள்ளனர்,

பன்றியின் இதயத்தை வருங்காலத்தில் மனிதனுக்குப் பொருத்திக் கொள்ளலாம் என்பதை உணர்த்தவே பன்றியின் மாமிசம் என்று கூறப்பட்டுள்ளது என்றார். அத்துடன், இப்படி ஒரு செய்தியை பிற்காலத்தில் உலகுக்குச் சொல்லத்தான் என்றார். அதனுடன் நிறுத்திக் கொண்டாரா என்றால் இல்லை பன்றியின் ஏனெய பாகங்களைப் பேணுதல் அடிப்படையில் நாம் விட்டுக் கொள்ள வேண்டும் என்றும் தொடர்ந்தார். இவரின் ஆச்சரியமிக்க ஆய்வுதான், அவரது மத்ஹப்வாதிகளுக்கு பூரிப்பை உண்டு பண்ணியது.

இதையும் சரி என்று நம்பி பிரச்சாரம் செய்த, அவரது கருத்துக்கு வக்காலத்து வாங்கிய அவரின் பக்தர்கள் கோடி இன்றும் உயிருடன் இருக்கின்றனர். ஆனால் அவர் காலியில் ஒரு பயான் நிகழ்ச்சியில் அதை மழுப்பிப் பேசி, வாபஸ் ஆகாமல் வாபஸ் ஆகினார். அதற்கு முன்னர் இதை நாம் தவறு என்று சொன்ன போனது இந்த மாபெரும் அறிஞனா தவறாகச் சொல்லுவார் என்றனர் அவரின் வாய்வழிநடப்போர். தனித்து விளங்கும் இஸ்லாத்ததில் குலோனின் பேசி ஈஸா நபியும் உம்மாவும் ஒரு வயது என்று முடித்திருக்கின்றார். இது தவறாக இவர்களுக்கு தெரிவதில்லை.

இதைத்தான் ஒரு தக்லீதில் இருந்து மற்றொரு தக்லீதுக்கு மாறுவது என்பார்கள். இந்த தக்லீத் வாதிகள் இவர் ஒரு ஃபத்வாவைச் சொல்லும் வரை பார்த்திருந்து அவர் சொன்ன பின்னால் முஜ்தஹித்களாக மாறி சமுதாயத்தில் சக்கைப் போடு போடுவார்கள்.

அவசியமற்றதை அவசியமாக்கும் தாயிக்கள்
தாயிக்கள் எனப்படுவோர் சமூகத்திற்குத் தேவையான அதிமுக்கியத்துவம் வாய்ந்த அம்சங்களை இனம் கண்டு முன்வைக்க வேண்டும். இதையே இறைத்தூதர்கள் செய்தார்கள். அதுவும் முஸ்லிம்கள் மத்தியில் தஃவாச் செய்யப்படுகின்ற காரணத்தால் ஒரு சமூகத்தில் உள்ள மக்களின் நிலை பற்றியும், அங்கு நடை பெறும் பாவங்கள் பற்றியும், அவற்றின் தராதரம் பற்றியும் அறிந்திருப்பது அவசியமாகும்.

இதெயல்லாம் இடை போடுமுன் மண்வெட்டியோடும், மேசன் கரண்டியோடும் தெரியும் சாதாரண பொதுமக்களிடம் புகாரியை நீங்கள் பார்க்கவில்லையா? முஸ்லிமைப் பாரக்கவில்லையா? அல்குர்ஆனைப் பார்த்தீர்களா என பேசும் தாயிக்கள் உள்ளனர்.

அதே போன்று இஆனா என்ற மத்ஹபு நூலில் இவ்வாறு உள்ளது. சர்வதேசப் பிறைதான் சரி, லோகல் தவறு, ஸகாத் கொடுத்த பொருளுக்கு மீண்டும் கொடுக்க வேண்டியதில்லை, தங்கவளையல்கள் அணிவது ஹராம், குத்பா மிம்பர் படிகள் இரண்டுதான் இருக்க வேண்டும், காஃப் அத்தியாயம் ஓதாமல் ஜும்ஆச் செல்லுபடி அற்றது, இரண்டாவது ஜமாஅத் ஒரு பித்அத், ஜனாஸாத் தொழுகையில் இருகைகளையும் உயர்த்துவது பச்சை பித்அத், பெண்கள் முகத்தை மூடுவது ஹராம், இப்படி பல விசயங்களை பொதுமக்கள் மன்றத்தில் பேசி பொது மக்களை சீரழிக்கும் தாயிக்களையும் பார்ப்பீர்கள்.

அல்லாஹ்வை சரியாக வணங்காத மக்கள் நூஹ் நபி (அலை) அவர்களின் காலம் முதல் நபி (ஸல்) அவர்கள் காலம் வரை வாழ்ந்த மக்களில் இருந்தார்கள். அது பற்றி அழுத்தம் பிரயோகித்த நபிமார்கள், அந்த சமுதாயத்தில் பரவலாகக் காணப்பட்ட கொடிய பாவங்களில் இருந்து மக்களை தடுப்பவர்களாகவும் இருந்தார்கள்.

இதற்கு ஷுஐப் நபியின் வரலாற்றையோ, லூத் நபியின் வரலாற்றையோ பார்க்க முடியும். அளவு நிறுவையில் செய்யப்பட்ட அநீதியை ஷுஐப் அலை அவர்கள் கண்டித்தார்கள், ஓரினச் சேர்க்கையில் மூழ்கி இருந்த தனது சமுதாயத்தவரை லூத் நபி (அலை) அவர்கள் கண்டித்ததைப் பார்க்கின்றோம். அதே போன்று அனைத்து நபிமார்களின் வரலாறுகளையும் பாருங்கள்.

முஆதே! நீ வேதம் கொடுக்கப்பட்ட்வர்கள் (அதிகமாக வாழும்) எமன் தேசம் செல்கின்றாய். அவர்களை முதல் முதலாக லாயிலாஹ இல்லல்லாஹ், நான் அல்லாஹ் தூதர் என்ற கோட்பாட்டின் பக்கம் அழைக்க வேண்டும் என்று நபி (ஸல்) முஆத் பின் ஜபல் (ரழி) அவர்களுக்கு கூறியதைப்பார்த்தாலும் அதி முக்கியத்துவம் வாய்ந்ததையே பிரச்சாரத்தின் அடிப்படையாகக் கொண்டிருப்பதை பார்க்கின்றோம்.

பண்புகள் பாழடிக்கப்படும் பணிக்களம்
இஸ்லாமிய அழைப்புப் பணி அல்லாஹ்வின் நேசர்களான நபிமார்கள் அவனது வழிகாட்டலின் பேரில் செய்த உண்ணதமான பணியாகும். இப்பணி அழகிய பண்புகளைக் கொண்டதாக இருக்கின்ற போதுதான் தராதரமும், மேன்மையும் அடைகின்றது. இல்லை எனில் களத்தில் இருந்து மக்கள் வெருண்டோடுவதையும், தாயிக்கள் மக்களால் விமர்சிக்கப்படுவதையும் முடிவில் காணமுடியும்.

ஹிர்கல் (ஹிர்கலிஸ்) மன்னர் அபூ சுஃப்யான் அவர்களிடம் அந்த முஹம்மத் எதை ஏவுகின்றார் எனக் கேட்ட போது உங்கள் மூதாயதையர் கூறுவதை விட்டுவிடும்படியும், நல்ல பண்பாடுகளைக் கொண்டும், உறவினர்களை இணைந்து வாழும்படியும் கட்டளை இடுகின்றார் என அபூ சுப்யான் (ரழி) அவர்கள் இஸ்லாத்திற்கு வருவதற்கு முன்னர் கூறினார் (புகாரி).

அகீதா (அடிப்படை நம்பிக்கை), அக்லாக் (பண்பாடுகள்) ஆகியவற்றைக் கொண்டு அல்லாஹ்வின் தூதர் மக்களை அழைத்தார்கள் என்பதை ஏட்டுச் சுரக்காயாக அறிந்து வைத்துள்ள பல தாயிக்களையே தஃவாக்களத்தில் பார்க்கின்றோம்.

அல்லாஹ்வின் தூதரின் அமைப்பில் அடையாளம் காணப்பட்ட முனாஃபிக்குகள், அடையாளம் காணப்படாத முனாஃபிக்குகள் என இரு சாராரும் இருந்துள்ளனர். பெயருக்கு தோழர்கள் என இவர்கள் அழைக்கப்பட்டுள்ளனர். அப்துல்லாஹ் பின் உபை என்ற முனாஃபிக்குகளின் தலைவன் மரணித்த போது அவனது இறுதிக்கடமையில் நபி (ஸல்) அவர்கள் கலந்திருக்கின்றார்கள். தொழுகை நடத்த முயற்சியும் செய்தார்கள். அல்லாஹ் முனாஃபிக்களுக்கு தொழுகை நடத்துவதோ, பிரார்த்திப்பதோ கூடாது என்று கட்டளையிட்டதும் அதிலிருந்து விலகிக் கொண்டார்கள். (புகாரி).

இஸ்லாமிய அமைப்புக்களைச் சேர்ந்த அறிஞர்கள் பலர் கலந்து கொள்ளும் கருத்தரங்குகளில் தவ்ஹீத் மௌலவி கலந்து கொள்வதை இஸ்லாம் தடை செய்யவில்லை. ஆனால் தென்னிந்திய இஸ்லாத்தில் அது ஹராமாக்கப்பட்டிருக்கின்றது. இந்திய தவ்ஹீத் ஜமாஅத் என்ற புதிய அமைப்பில் உள்ளவர்கள் டீ.என். டீ.ஜே. என்ற அமைப்பில் இருந்து வெளியேறி பொதுக்குழு கூட்டம் ஒன்றை நடத்துகின்ற போது இவ்வாறு கூறினர். இவர்கள் பிரபலமான தாயி; இடம் இருந்து பிரிந்தே புதிய அமைப்பை தோற்றுவித்தனர் என்பதை அனைவரும் அறிவர்.

வணக்கங்களில் குறை செய்யும் தஃவாக் களம்
தஃவாக்களத்தின் சோதனை மிகுந்தது என்று இதை வர்ணிக்க முடியும். நபி (ஸல்) அவர்கள் இரவு வணக்கம் செய்யுமாறு ஆரம்பத்தில் கட்டளையிடப்பட்டிருந்தார்கள். ஒரு வருடம் அதை அவர்களும், அவர்களின் தோழர்களும் கடைப்பிடித்தார்கள் (முஸ்லிம்).

தாயிக்கள் எனப்படுவோர் தமது பண்பாடுகளை அல்குர்ஆனில் இருந்தும், நபி (ஸல்) அவர்களின் வழி முறைகளில் இருந்தும் படிக்கின்ற போதுதான் இரவு வணக்கத்தில் இன்பம் காண்பார்கள்.

வெட்டிப்பேச்சுக்கள், தேவையற்ற விமர்சனங்கள், அலட்டல்கள் போன்றவற்றில் தமது இரவு நேரங்களைச் செலவு செய்யும் எத்தனையோ தாயிக்கள் படம், சினிமா, நாடகம், கிரிக்கட் என இரவைக்கடத்தும் பழக்கம் உடையோராக இருக்கின்றனர்.

ஒரு பெரியார் ஒரு இரவில் பல முறை குர்ஆனை ஓதினார் என்பதையும், பல ரகஅத்துக்களைத் தொழுதார் என்பதையும், தஸ்பீஹ் தொழுகையையும் இன்னும் ஆதராமற்ற செயற்பாடுகளையும் இவ்வாறு செய்யலாமா என நியாயமாக விமர்சிக்கும் தாயிக்கள் நான் எத்தனை வசனங்களை, அத்தியாயங்களை ஓதி இருக்கின்றேன். நபிலான வணக்கங்களான ழுஹா, இரவு வணக்கமாகக் கொள்ளப்படும் தஹஜ்ஜுத், மற்றும் வித்ர், தொழுகின்றேனா என தம்மைப் பற்றி ஒரு போதும் கேள்வி எழுப்பி இருப்பார்களோ தெரியவில்லை.

குறைகளைத்தேடும் தாயிக்கள்
ஒரு மனிதனின் மானம், மரியாதை, அந்தஸ்து யாவற்றையும் புனிதமானது என இஸ்லாம் கூறி இருக்கின்றது. கலிமாவை இறை திருப்தியை நாடிக்கூறிய அனைவரின் மானம் மரியாதை என்பது இதன் விளக்கமே தவிர தவ்ஹீத் அடிப்படையைக் கொண்ட தாயிக்களின் மானம், மரியாதை என்பது பொருள் அல்ல.

ஆனால் இதற்கு மாறாக பிறரது குறையைத் தேடித்திரியும் தாயிக்கள் தவ்ஹீத் அமைப்பிலேயே அதிகம் காணப்படுகின்றார்கள். தாயிக்கள் சீர் திருத்தவாதிகளாக இல்லாமல் சீரழிப்பவர்களாக மாறுகின்ற போது இந்நிலை ஏற்படுகின்றது.

சகோதர முஸ்லிமின் மானத்தை காற்றில் பறக்கவிடுவதையும், சீடிக்களாக, நோட்டீஸ்களாக வெளியிடுவதையும் தஃவாப் பாதையில் ஒரு மைல் கல்லாக நினைத்து செயற்படும் தாயிக்கள். இருக்கின்றார்கள்.
عَنْ عَبْدِ اللَّهِ قَالَ قَالَ رَسُولُ اللَّهِ صَلَّى اللَّهُ عَلَيْهِ وَسَلَّمَ هَلَكَ الْمُتَنَطِّعُونَ قَالَهَا ثَلَاثًا

எல்லை மீறிச் (சிந்திப்பவர்கள், செயற்படுபவர்கள்) அழிவார்கள் (ஆதார நூல்: முஸ்லிம்) என நபி (ஸல்) அவர்கள் கூறியதை உண்மைப்படுத்தும் தாயீகளாக குர்ஆன் சுன்னாவைப் போதிப்பதாகக் கூறுவோரின் களம் மாற்றம் பெற்றுள்ளதை யாராலும் மறுக்க முடியாது.

வளவளப்பவர்கள் அழிவார்கள் என்று நபி (ஸல்) அவர்கள் கூறியது இவர்களைத்தான் என்றே நினைக்கத் தோன்றுகின்றது.

சத்தியத்தை அசத்தியமாக்கும் தாயிக்கள்
சத்தியத்தை உரைப்பது ஆலிம்களின் கடமை. சத்தியம் வாழ வேண்டும் என்ற எண்ணம் ஒரு ஆலிமின் இரத்தத்தில் ஊறிப்போன பண்பாக இருக்க வேண்டும். அறிவை மறைப்பவனுக்கு மறுமையில் அல்லாஹ் நரக நெருப்பினால் கடிவாளம் இடுவான் (இப்னு மாஜா). என நபி (ஸல்) அவர்கள் கூறி இருப்பதை ஆலிம்கள் கவனத்தில் கொள்ள வேண்டும்.

நாட்டில் ஷாஃபி மத்ஹபை பாதுகாப்பது கடமை என்பது போலவும், சத்தியம் எக்கேடு கெட்டாலும் சரி என்ற நிலையிலும் வாழும் பல ஆலிம்களை சமூகத்தில் காண முடிகின்றது.

மற்றொரு புறத்தில் தென்னிந்தியாவின் பிரதமப் பேச்சாளர் ஒருவரின் கருத்தில் குறை கண்டு ஆதாரத்தின் அடிப்படையில் சுட்டிக்காட்டினால் சீ, சீ இதை நாம் நமக்குள்தான் பேசிக் கொள்ள வேண்டும், மற்றவர்கள் என்ன சொல்வார்கள், இவர்களுக்குள்ளும் பிளவா என்று அவரின் அடியாட்கள் கூறுவதையும் அவதானிக்கின்றோம்.

அந்த தாயீ, ஒரு ஜமாத்தைப் பல கூறுகளாக்கி பத்து பேரை வைத்துக் கொண்டு இலங்கைக் கிளை என்று பத்திரிகையில் பூதாகரமாக விளம்பரம் போடுவதைப் பொறுத்துக் கொள்வார்கள். இதுதான் தக்லீதின் உச்சகட்டம் என்பதை இனியாவது இவர்கள் உணரட்டும்.

பித்அத்தை நியாயப்படுத்தும் தாயிக்கள்
அனைத்து பித்அத்களும் (புதிய வழிமுறைகளும்) வழிகேடு என்றும், யார் நமது மார்க்கத்தில் இல்லாததைச் செய்கின்றாரோ அவரது செயல் நிராகரிக்கப்படும் என்று நபி (ஸல்) அவர்கள் கூறியுள்ளார்கள். (முஸ்லிம், திர்மிதி)

ஸஹீஹான ஹதீஸ்தான் எனது மத்ஹப் என இமாம்கள் அடித்துக் கூறி இருந்தும் ஊரில் செய்கின்றார்கள், உலகத்தில் செய்கிறார்கள், நல்லதுதானே என்றெல்லாம் காலத்தை கடத்தும் ஆலிம்கள் கூட்டம் மக்களுக்கு பித்அத்தையே அரங்கேற்றும் நிலையைப் பார்க்கின்றோம். கத்தம், பாத்திஹா, மௌலித், தாயத்து. தகடு என்று மக்களை ஏமாற்றி சீரழிப்பதைப் காண்கின்றோம்.

அகில இலங்கை உலமா சபையின் செயற்குழு உறுப்பினர்கள் என போற்றப்படுவர்களின் நிலை பற்றி நாம் கவலைப்பட வேண்டி உள்ளது. அவர்களின் தலைவர் சல்மான் பாரிஸீ (ரழி) அவர்கள் 220 வருடங்களுக்கும் அதிகமான காலம் வாழ்ந்ததாக புதிய வராற்றைப் போதிக்க, மடவளை எப்.எம் நடத்தும் மடவளை மகாத்மா அவர்கள் கிரிஸ்தவத்தைக் கெடுத்த பௌல் அடிகளாரைப் போன்று செயல்பட்டுக் கொண்டிருக்கின்றார்.

இவர்களின் நிலையே இப்படி என்றால் சாதராண ஆலிம்கள் பற்றிக் கூறவா வேண்டும்.! செவ்வாயில் தண்ணீர் இருக்கின்றதா? என அபார ஆராய்ச்சியில் விஞ்ஞானம் இறங்கி இருக்கும் நிலையில் இவர் நடத்துவதாகக் கூறப்படும் எப், எம். அலை வரிசையில் செத்துப் போன மவ்லிது வரிகளுக்கு வியாக்கியானம் நடை பெறுகின்றதாம். கூட்டு துஆ இல்லையாம் ஆனால் அது ஊர் வளமையாம், இப்படி பல் சுவை நிகழ்ச்சிகள் அரங்கேற்றும் ஆலிம்கள் உலமா சபையில் முக்கியமானவர்கள்.

குரங்கின் கையில் பூமலை கிடைத்த கதைதாகள் இந்த எப். எம் அலைவரிசை கிடைத்த ஆலிம்கள் கதை. பள்ளிகளில் தூய மார்க்கம் போதிக்கப்படாமல் இருப்பதில் ஜுப்பாக்களும், ஜுப்பாக்களுக்குள் புகுந்துள்ள ஆலிம்களும்தான் காரணம் என்பதை அறிவுடையோர் அறிவார்கள்.

உலக விவகாரத்தை மார்க்கமாக்கும் தாயிக்கள்
முஸ்லிம்கள் மார்க்கமாக இல்லாமல் ஒரு பழக்கமாக் கொள்ளும், மார்க்கம் தடை செய்யாத நடைமுறைகள் பலதை நாம் அறிவோம். ஜும்ஆவுக்காக ஜுப்பாப் அணிவது, தொப்பி போடுவது போன்ற அம்சங்களைக் குறிப்பி முடியும்.

இது விஷயத்தில் தாயிக்கள் பித்னாக்களமாக மாற்றி அமைப்பதைப் பார்க்கின்றோம். காபிர்களுக்கு இஸ்லாத்திற்கு அழைப்பு விடுத்து கடிதங்கள் எழுதுகின்ற நேரம் முத்திரை பதிக்கப்படாத கடிதங்களை அவர்கள் ஏற்றுக் கொள்வதில்லை எனக் கருத்துக் கூறப்பட்ட போது நபி (ஸல்) அவர்கள் அதை அங்கீகரித்தார்கள (புகாரி).

இந்த சாதாராண விஷயத்தைக் கூட தஃவாக்களத்தில் பிரயோகிக்கத் தெரியாத தாயிக்களால் தஃவாக்களம் துவம்சம் செய்யப்படுமா? அல்லது முன்னேற்றம் அடையுமா என்று சிந்தித்துப் பாருங்கள்.

இயக்கத்தை இஸ்லாமாக்கும் தாயிக்கள்
தனிமனிதன் புகழ்பாடி அழியும் ஒரு கூட்டம், தான் இருக்கும் இயக்கமும் அதன் சித்தாந்தமுமே சரி என வாதிடும் மற்றொரு கூட்டம், எனது அமீர் சொல்வதை அப்படியே பின்பற்றுவேன், எனது மர்கஸில் சொல்லப்பட்டதை அப்படியே நம்புவேன் என்று வாதிடும் மற்றொரு கூட்டம், சேகு நாயகம், வாப்பா நாயகம் ஆகியோரின் கூற்றே வேத வாக்கு என்று நம்பும் பிறிதொரு கூட்டம். எகிப்தின் ஆலிம்களை அச்சாணிகள் போல் நம்புகின்ற மற்றொரு கூட்டம், இவ்வாறு தஃவாக்களத்தை துவம்சம் செய்யும் பல கூட்டங்களை களத்தில் இனம் காண முடிகின்றது.

அல்லாஹ்வும், அவனது தூதரும் சொன்னதை நம்பினேன், அதன்படி நடப்பேன் என்ற கூட்டத்தில் இணையாத அனைத்துக் கூட்டமும் வழிகேட்டின், தக்லீதின், பித்அத்தின் மறுவடிவங்களாகவே இருக்கும்.

-எம். ஜே. எம். ரிஸ்வான் (மதனி)

முல்லைப் பெரியாறு பிரச்னை: பிரதமருக்கு அப்துல் கலாம் யோசனை---

முல்லைப் பெரியாறு அணைப் பிரச்னைக்கு தீர்வு காணும் வகையில் யோசனை தெரிவித்து, பிரதமர் மன்மோகன் சிங்குக்கு, முன்னாள் குடியரசுத் தலைவரும், மூத்த அறிவியல் விஞ்ஞானியுமான அப்துல் கலாம் கடிதம் எழுதியுள்ளார்.

இரு மாநில மக்களும் பலனடையும் வகையில், முல்லைப் பெரியாறு அணையை பலப்படுத்தும் நடவடிக்கையில் ஈடுபடுமாறு கலாம் கேட்டுக்கொண்டுள்ளார்.

இதுகுறித்து பிரதமர் மன்மோகன் சிங்குக்கு கலாம் எழுதிய கடிதத்தில், கேரள மாநிலத்துக்கு அதிக மின்சாரம், தமிழகத்துக்கு அதிக தண்ணீர், இரண்டு மாநிலங்களுக்கும் பொதுவான அணை பாதுகாப்பு, இந்த மைய கருத்தைக் கொண்டு, இப்பிரச்னைக்கு தீர்வு காண முயற்சி மேற்கொள்ள வேண்டும்.

முல்லைப் பெரியாறில் புதிய அணை கட்டுவதற்கு பதிலாக, அணையை பலப்படுத்தும் வகையில், தற்போதுள்ள அணையில் 162 அடி உயரத்துக்கு பக்கவாட்டு சுவர் எழுப்பலாம்.
நாட்டில் உள்ள அனைத்து அணைகள், புதிதாக அமையும் அணைகள் இவற்றின் கட்டுப் பாடுகளையும், பராமரிப்பையும் ராணுவத்தின் வசம் ஒப்படைக்க வேண்டும்.

இதன் மூலம், நதிகள் இணைப்பு போன்ற நடவடிக்கைகளின்போது, எந்த பிரச்னையும் ஏற்படுவதில்லை.

முல்லைப் பெரியாறு பிரச்னையால் இரு மாநில உறவும் பதிக்கப்பட்டுவிடக்கூடாது. இரு மாநில மக்களும் அமைதி காத்து, தேசிய ஒருமைப்பாட்டை நிலை நாட்ட வேண்டும் என்று அந்தக் கடிதத்தில் கலாம் கூறியுள்ளார்.

முகவை சேக்

அல்லாஹ்வின் அருளால் மேலப்பாளையத்தில் நடந்து முடிந்த தமிழ்நாடு தவ்ஹீத் ஜமாத்தின் மாபெரும் கூட்டம் மாஷாஅல்லாஹ்....!!!
Halith Mohamed மாஷா அல்லாஹ்.
4 hours ago · Like · 3
முகவை எஸ். சம்சுதீன் மாஷா அல்லாஹ்!!!!!!!!!!!!
4 hours ago · Like · 2
ராம்நாடு ரியாஸ் மாஷா அல்லாஹ்.!!!!!!!!!
4 hours ago · Like · 2
சப்னாஸ் சப்னாஸ் மாஷா அல்லாஹ்.!!!!!!!!!
4 hours ago · Like · 2
வண்ணைமா நகர் தவ்ஹீத் மாஷா அல்லாஹ்.!!
4 hours ago · Like · 2
பெரியப்பட்டிணம் தவ்ஹீத் மாஷா அல்லாஹ்.!!மாஷா அல்லாஹ்.!!
4 hours ago · Like · 2
M.s. Kaja Mohideen Masha allah. Magathuvam mikka en iraivan miga thooyavan.
4 hours ago · Like · 3
முகவை சேக் எல்லாப்புகழும் அல்லாஹ் ஒருவனுக்கே.!!
4 hours ago · Like · 3
Rafiq Ahamed Alhamdhulillah.
4 hours ago · Like · 2
Basheer Ali சத்தியத்தின் பக்கம் மக்கள் வருவது ஆச்சர்யமான ஒன்று அல்ல எல்லா புகழும் இறைவனுக்கே
4 hours ago · Like · 3
Mohammed Rizwan மாஷா அல்லாஹ்
4 hours ago · Like · 2
Mohamed Rifath மாஷாஅல்லாஹ்...
4 hours ago · Like · 2
Saffer Ali allahu akbar
4 hours ago · Like · 1
Nisar Hussain மாஷா அல்லாஹ்
4 hours ago · Like · 1
Saeed Aftab மாஷா அல்லாஹ்!
4 hours ago · Like · 1
Noo Hu Masha allah
3 hours ago · Like · 1
Mohammed Rafi Maasha Allah...!
2 hours ago · Like · 1
அப்துல் பாஸித் எல்லா புகழும் அல்லாஹ் ஒருவனுக்கே தவ்ஹீத் ஜமாத்தின் தூய ஏகத்துவ ஒளியை இறைவன் இன்னும் மிளிரச்செய்ய வல்ல நாயனை இறைஞ்சுவோம்
2 hours ago · Like · 4
Mkhnajimudeen Najimudeen masha allah
41 minutes ago · Like · 1
Abdul Kalam masha allah....
35 minutes ago · Like · 1
Mohamead Sathar அல்லஹம்துரில்லாஹ்
27 minutes ago · Like · 1
Mohamed Fasil allahu akbar..allahu akbar...
22 minutes ago · Like · 1
Baiya Ji எல்லாப்புகழும் அல்லாஹ் ஒருவனுக்கே.!!
14 minutes ago · Like · 1
Abdul Hameed Mahlari இந்த மீட்டிங் ல் கலந்து கொள்ளும் வாய்ப்பை அல்லாஹ் எனக்கும் அருளினான்!ஆயிரக்கணக்கான ஆண்களும்,பெண்களும் கலந்துகொண்டு சிறப்பித்தனர். சத்தியத்தை விளங்குவதற்கு மக்கள் சாரை சாரையாக வருவது,அல்லாஹ்வின் அருள் அன்றியே தவிர வேறெதுவும் இல்லை!
3 minutes ago · Like

தொப்பி அணிவது ...?

2G வழக்கில் 3-வது குற்றப்பத்திரிக்கை. 5 அதிகாரிகள் விரைவில் கைது.

2ஜி அலைக்கற்றை முறைகேடு வழக்கில் 3-வது குற்றப்பத்திரிகை தாக்கல் செய்யப்பட்டுள்ளது. இதில் தனியார் தொலைத்தொடர்பு நிறுவனங்களைச் சேர்ந்த 5 அதிகாரிகள் மீது குற்றம்சாட்டப்பட்டுள்ளது.

தில்லி சிபிஐ சிறப்பு நீதிமன்றத்தில் திங்கள்கிழமை இந்த குற்றப்பத்திரிகையை சிபிஐ தாக்கல் செய்தது.

எஸ்ஸôர் குழுமத்தின் மேம்பாட்டாளர்கள் அஞ்சுமன், ரவி ரூயா, லூப் டெலிகாம் மேம்பாட்டாளர்கள் கிரண் கெய்தான், அவரது கணவர் ஐ.பி.கெய்தான், எஸ்ஸôர் குழுமத்தின் திட்டமிடுதல் துறை இயக்குநர் விகாஸ் சரஃப் ஆகியோரது பெயர்கள் குற்றப்பத்திரிகையில் உள்ளன.

÷லூப் டெலிகாம் நிறுவனத்தை முன்னிறுத்தி மத்தியத் தொலைத்தொடர்புத் துறையை மோசடி செய்து 2008-ம் ஆண்டில் 2ஜி அலைக்கற்றை ஒதுக்கீடு பெற்றதாக இவர்கள் மீது குற்றம்சாட்டப்பட்டுள்ளது.

விரைவில் கைது?÷இந்திய தண்டனைச் சட்டத்தின் கீழ், குற்றத்துக்கு சதி செய்தல், மோசடியில் ஈடுபடுதல் ஆகிய பிரிவுகளில் கீழ் இவர்கள் மீது குற்றச்சாட்டு பதிவு செய்யப்பட்டுள்ளது. இவர்கள் மீது ஊழல் தடுப்புச் சட்டத்தின்கீழ் வழக்குப் பதிவு செய்ய சிபிஐக்கு போதுமான ஆதாரங்கள் கிடைக்கவில்லை என்று தெரிகிறது. குற்றச்சாட்டப்பட்டுள்ள 5 பேரும் விரைவில் கைது செய்யப்படுவார்கள் என்று தெரிகிறது.

÷105 பக்கங்கள் கொண்ட இந்த குற்றப்பத்திரிகை சிபிஐ சிறப்பு நீதிபதி ஓ.பி.சைனி முன்னிலையில் தாக்கல் செய்யப்பட்டது. இதில் குற்றச்சாட்டுக்கு ஆதாரமாக பல்வேறு ஆவணங்களும் இணைக்கப்பட்டுள்ளன. இதனை டிசம்பர் 17-ம் தேதி விசாரணைக்கு எடுத்துக் கொள்வதாக நீதிபதி தெரிவித்தார்.

எஸ்ஸôர் மறுப்பு: 2ஜி அலைக்கற்றை முறைகேடு வழக்கில் தங்கள் நிறுவனத்தின் மீது கூறப்பட்டுள்ள குற்றச்சாட்டை எஸ்ஸôர் நிறுவனம் மறுத்துள்ளது. இது தொடர்பாக அந்த நிறுவனம் வெளியிட்டுள்ள அறிக்கையில், தொலைத்தொடர்பு நிறுவனத்தின் அனைத்து விதிமுறைகளுக்கும் உள்பட்டுதான் 2ஜி ஒதுக்கீடு பெறப்பட்டது. இதில் எந்த முறைகேட்டிலும் ஈடுபடவில்லை. எங்கள் நிறுவனம் அரசின் விதிகளுக்கு உள்பட்டு செயல்பட்டு வருகிறது என்று தெரிவிக்கப்பட்டுள்ளது.

÷ஆனால் இவர்கள் மோசடியாக குறைந்த விலைக்கு 2ஜி அலைக்கற்றை பெற்று அதிக லாபம் ஈட்டியுள்ளனர். ஏற்கெனவே தொலைத்தொடர்பு சேவையில் உள்ள எஸ்ஸôர் நிறுவனம், லூப் டெலிகாம் நிறுவனத்தை முன்னிறுத்தி, அந்த நிறுவனத்தின் பெயரில் மோசடியாக 2ஜி அலைக்கற்றை பெற்றுள்ளது என்பது முக்கியக் குற்றச்சாட்டு.

÷முன்னதாக 2ஜி வழக்கில் சிபிஐ இரு குற்றப்பத்திரிகைகளைத் தாக்கல் செய்துள்ளது. இதில் 14 பேர் மீதும், 3 நிறுவனங்கள் மீதும் குற்றச்சாட்டு கூறப்பட்டிருந்தது. முன்னாள் மத்தியத் தொலைத் தொடர்புத் துறை அமைச்சர் ஆ.ராசா, தொலைத்தொடர்புத்துறை செயலாளர் சித்தார்த் பெகுரா, திமுக எம்.பி. கனிமொழி, ரிலையன்ஸ், ஸ்வான் டெலிகாம் நிறுவன அதிகாரிகள் ஆகியோர் இதில் குறிப்பிடத்தக்கவர்கள். இவர்களில் ஆ.ராசா, பெகுரா தவிர மற்றவர்கள் அனைவரும் ஜாமீனில் வெளியே வந்துள்ளனர்.
thanks to thedipaar.com

ஈரானின் நண்பனாகுமா அமெரிக்கா..?

அபூ மஸ்லமா

ஜப்பான். பேர்ள் ஹார்பர் தாக்குதலை வெற்றிகரமாக ஜப்பானிய செம்படையினர் நிகழ்த்தி முடித்ததினால் ஏற்பட்ட ஆவேசமும் கொளரவ பிரச்சனையுமே அமெரிக்காவை ஜப்பான் மீது அனு குண்டுகளை வீச உந்தின. ஒரு பெரிய இராணுவ தோல்விக்கு விலை பல இலட்சக்கணக்கான ஜப்பானியரின் உயிர். பல இலட்சக்கணக்கான குழந்தைகளின் அங்கவீனம். இன்றும் ஹிரோஷிமாவில் புற்று நோயாளர்கள் பல இலட்சம் பேர் உள்ளனர். அதன் மண் வளத்திலும் கடல் வளத்திலும் கதிர்வீச்சுத்தன்மையின் தாக்கங்கள் பரவலாக உள்ளன. இவ்வளவிற்கும் ஜப்பான் அமெரிக்கா மீது குண்டு வீசவில்லை. மாறாக தென்கிழக்காசியாவை கைப்பற்றவே முனைந்திருந்தது.

ஈரான். அமெரிக்காவிற்கு சிம்ம சொப்பனமாக எப்போதும் தொல்லை தரும் தேசம். பனிப்போரின் பின்பு ரஷ்யாவிற்கு பதிலாக ஏவுகணை தொழில் நுட்பத்திலும் ஏனைய போரியல் தளபாடங்களிலும் புதிய புதிய கண்டு பிடிப்புகளை நிகழ்த்தும் தேசம். ப்றீமேசனின் கொள்கைகளிற்கு முட்டுக்கட்டை போடும் தேசம். ஸியோனிஸத்திற்கு வேண்டப்படாத தேசம். இஸ்ரேலின் இருப்பிற்கு திகதி குறிக்கும் தேசம். அமெரிக்க எதிர்ப்பு அரசியலை உலகில் நிலை நிறுத்த முயலும் தேசம். அப்படியானால் எத்தனை அனு குண்டுகளை வீச வேண்டும் ஈரான் மீது?.

அமெரிக்கா. ஈரானை அன்றைய ஜப்பானாக மாற்ற வேண்டும் எனும் ஆவேசம் அமெரிக்காவிற்கு ஏற்பட்டுள்ளது. அரசியல் ரீதியாகவும், இராஜதந்திர ரீதியாகவும் ஈரானை அமெரிக்காவால் ஒன்றும் செய்ய முடியவில்லை. சொல்லப்போனால் வாஷிங்டன் பலமுறை தெஹ்ரானிடம் தோற்றுப் போயுள்ளது. சைனா, ரஷ்யா, ஜேர்மன் என வல்லரசு தேசங்களை தனக்கு நெருங்கிய நண்பனாக கொண்ட தேசம் ஈரான். வெனிஸ்வெலா, கொலம்பியா, உருகுவே என லத்தீன் அமெரிக்க நாடுகளிற்கு வேறு ஏவுகணைகளை விற்கிறது ஈரான்.

ஈரானுடன் போரிட வேண்டும். அதுவும் 3ம் உலக யுத்தம் மூளாத வகையில் போரிட வேண்டும். கொஞ்சம் கடினமான விடயம் அமெரிக்காவிற்கு. ஈராக்கில் களமிறங்கியதன் விளைவாக அமெரிக்க பொருளாதாரம் பாரிய சறுக்கள்களை சந்தித்தது. பிறது ஆப்கானிஸ்தான், லிபியா என பல பொருளாதார பாரிய செலவீனங்களை தன்னகத்தே அமெரிக்கா உருவாக்கியுள்ளது. இப்போது ஈரான் மீது யுத்தம் செய்து முழு அமெரிக்கர்களையும்ர ஐரோப்பியர்களிற்கு அடகு வைக்கும் அரசியல் தவறை அமெரிக்கா செய்ய தயங்குகின்றது.

ஈராக்கிலோ அல்லது லிபியாவிலோ மக்கள் ஆளும் அரசியல் தலைமைகளுடன் வெறுப்புற்றிருந்தனர். ஜனநாயகம் வேண்டி நின்றனர். எளிதாக வேலையை முடித்தது அமெரிக்கா. ஈரானின் நிலை அவ்வாறல்ல. ஈரானை ஆளுவது அவர்களது மதப்பிரிவு. எந்த முரண்பட்ட கருத்துக்களை உடைய அரசியல் அல்லது இராணுவ தலைவர்களாக இருந்தாலும் ஈரானிய அதியுயர் பீட அயாத்துல்லாக்கள் சொல்லும் பேச்சை மாற்ற முடியாது. அயாத்துல்லாக்கள் அனைவருமே அமெரிக்க மற்றும் ஸியோனிஸ எதிர்ப்பாளர்கள். தேவையேற்படின் எஸ்.எல்.ஆர்.ரைபிள்களை ஏந்தி அமெரிக்கர்களை சுட தயங்காதவர்கள்.

ஈரானை அமெரிக்காவிற்கு ஜப்பான் போல ஒரு போதும் மாற்ற முடியாது. அமெரிக்க பொருளாதார முற்றுகை “வோல் ஸ்ட்ரீட்” முற்றுகை எனும் நிலையை தாண்டி அமெரிக்க நிர்வாக கட்டடங்கைள கைப்பற்றல் எனும் திசையில் பயணிக்கிறது. போலீஸ், ஆர்ப்பாட்டம், கண்ணீர்புகை பிரயோகம், தடியடி, பெற்றோல் குண்டு வீச்சு என நிலைமை கவலைக்கிடமாக உள்ளது. துணைப்படையினரும், ரேஞ்சர்களும் களமிறக்கப்பட்டுள்ளனர். மீடியாக்கள் இதை ஒரு சாதாரண மக்கள் ஆர்ப்பாட்டம் என வெளி உலகிற்கு காட்டி வருகின்றன.

இஸ்ரேலிய இராணுவம் பலஸ்தீனியர்களை சுட்ட அதே “எம் 16” ரக ரைபிள்கள் இன்று அமெரிக்கரை சுடவும் தயாராகலாம். காஸாவின் குழந்தைகளை ருஷி பார்த்த அதே மேடின்அமெரிக்க “ரப்பர் குண்டுகள்” இன்று கலகம் செய்யும் அமெரிக்கர்களின் உடலை பதம் பார்க்கவும் வாய்ப்புள்ளது. இது தான் விதியின் எழுத்துக்கள். இஸ்ரேலையும், ஸியோனிஸத்தையும் மீறி ஈரானை நண்பனாக்க முயல்வதே அமெரிக்காவிற்கான ஒரே தீர்வு.

அமெரிக்க விமானம் கனணி தாக்குதல் மூலமே ஈரானில் வீழ்த்தப்பட்டுள்ளது

அமெரிக்காவின் அதி நவீன ஆளில்லா உளவு விமானம் கடந்த தினம் ஈரானில் சுட்டு வீழ்த்தப்பட்டதாக தகவல்கள் வெளியாகின. ஆனால் இப்போது அது ஈரானிய சைபர் போசஸ் எனும் கனனி தாக்குதல் பிரிவினரால் வீழ்த்தப்பட்டதாக உத்தியோகபூர்வமாக ஈரானிய அரசால் அறிவிக்கப்பட்டுள்ளது. RQ170 - SENTINAL DRONE எனும் ஸ்டெல்த் ரக விமானமே வீழ்த்தப்பட்டுள்ளது.

சீ.ஐ.ஏ.யின் பல வெற்றிகர தாக்குதல்களிற்கு உதவிய இந்த விமானம் பற்றிய செய்திலை அமெரிக்க அரசோ அ்ல்லது சீ.ஐ.ஏ.யோ வெளியில் சொல்லவில்லை. மிகவும் இரகசியமான போரிற்கு துணைநிற்கும் ஆயுதமாக பேணப்பட்டு வந்தது.
அபோதாபாத் தாக்குதலில் நன்கு பயன்படுத்தப்பட்ட இந்த விமானம் மீண்டும் ஈரானின் இராணுவ இலக்குகளை வேவு பார்த்த பொது தாக்கப்பட்டுள்ளது. இஸ்ரேலிய அரசால் பலமுறை கோரிக்கை விடுக்கப்பட்டும் இந்த விமானத்தை அமெரிக்கா அதற்கு வழங்கவில்லை.

ஈரானிய அரசால் காட்சிக்கு வைக்கப்பட்டுளது. மேற்கு ஆப்கானிஸ்தானில் இருந்து புறப்பட்ட இந்த விமானம் ஈரானிய எல்லைக்குள் உள் நுழைந்த பின் இதன் முழு கட்டடுப்பாடும் பெக்ரான் தளத்தில் செயற்படும் விஷேட அமெரிக்க வீரர்களால் அற்றுப்போன நிலை தோன்றியது. விமானம் ஈரானில் வீழ்ந்திருக்கலாம் என அமெரிக்கா அறிவித்தது.

ஈரான் மேல் பறந்த விமானம் ஈரானிய சைபர் போஸ் அதிகாரிகளால் முழுமையான கட்டுப்பாட்டின் கீழ் கொண்டு வரப்பட்டு தரையிறக்கம் செய்யப்பட்டது. கட்டுப்பாட்டை இழந்தால் தானாகவே வெடித்து சிதறும் வகையில் இது வடிவமைக்கப்பட்டிருந்தது. முழுமையாக அது இரானின் வசம்வந்தமையானது அமெரிக்காவை கிலி கொள்ள செய்துள்ளது. நாளை இந்த விமானம் ரஷ்யாவிடமோ அல்லது சீனாவிடமோ சென்று விட்டால் அது அமெரிக்காவை மிகவும் பாதிக்கும் விடயமாக மாறிவிடலாம்.
By adiraithunder

இந்தியா உடையும் - வைகோ

முல்லை பெரியாறு அணை உடைக்கப்பட்டால், இந்தியா துண்டு துண்டாக உடையும் என்று இந்திய அரசையும் கேரள அரசையும் எச்சரித்தார் வைகோ

முரீது வியாபாரிகள்

ஏகஇறைவனின் திருப்பெயரால்
பொய்யான ஆன்மீகத்தின் பெயரால் போலி ஷெய்குதார்கள் சிலர், ஏதுமறியா பாமர மக்களை வஞ்சித்து ஏமாற்றி வழிகெடுத்து வருகின்றனர். ஒவ்வொரு ஷெய்கும் தமக்கென்று ஒரு கூட்டத்தை உருவாக்கித் தனித்தனிப் பாதையை வகுத்துக் கொண்டு, பாமர மக்களை மூளைச் சலவை செய்து முட்டாள்களாக்கி வைத்திருக்கின்றனர். ‘ஆன்மீகப் பாட்டை’ என்பார்கள், ‘ஆத்மீகப் பக்குவம்’ என்பார்கள், ‘அந்தரங்கக் கல்வி’ என்பார்கள், ‘ரகசிய ஞானம்’ என்று ரீல் விடுவார்கள். இறுதியில் இதெல்லாம் உங்களுக்குப் புரியாது என்பார்கள். எவ்வளவு தான் தொழுதாலும், இறை வணக்கங்கள் புரிந்தாலும், ஏற்கனவே ஆன்மா பக்குவப்பட்ட(?) ஒரு ஆன்மீகக் குருவிடம் சென்று முரீது என்னும் தீட்சை வாங்கினால் தான் மோட்சம் கிடைக்குமாம்.

இஸ்லாத்தில் இல்லாத இந்த கிரேக்க அத்வைத தத்துவத்தை இவர்கள் தங்கள் சுய லாபத்திற்காக உருவாக்கி ஆன்மீகத்தின் பெயரால் ஏமாற்றுகிறார்கள். இவர்களில் பல்வேறு பிரிவினர்கள் உண்டு. சில ஷெய்குகள் தம்மை அண்டி வந்து நெருக்கமானவர்களுக்கு, தனித்தனியாக சில திக்ருகளை சொல்லிக் கொடுப்பார்கள். ஒருவருக்கு சொல்லிக் கொடுத்ததை பிறருக்கு சொல்லக்கூடாது என்பார்கள். இல்லற வாழ்க்கை முதற் கொண்டு தெள்ளத் தெளிவாக பாமர மக்களும் புரிந்துக் கொள்ளும் விதத்தில் சொல்லப்பட்ட மார்க்கத்தில் ‘ரகசிய ஞானம்’ என்று ஏமாற்றுகிறார்கள்.

அண்ணல் நபி (ஸல்) அவர்கள் மார்க்க விஷயத்தில் யாருக்கும் எதையும் ரகசியமாக சொல்லிக் கொடுக்க வில்லை. இறுதி ஹஜ்ஜின் போது அரபாத் பெருவெளியில் கூடி நின்ற ஒரு இலட்சத்துக்கும் அதிகமான ஸஹாபாக்களின் முன்னர் ‘நான் எல்லாவற்றையும் உங்களுக்குச் சொல்லி விட்டேனா?’ என்று கேட்கிறார்கள். அதற்கு அத்தனை பேரும் ஏகோபித்த குரலில் ‘ஆம்! அல்லாஹ்வின் தூதரே’ எனச் சாட்சி பகர்ந்தார்கள். அப்போது நபி (ஸல்) அவர்கள், ‘இறைவா! நீயே சாட்சி!’ என்று அல்லாஹ்வை சாட்சியாக்கினார்கள். (அறிவிப்பவர்: இப்னு அப்பாஸ்(ரலி) ஆதாரம்: புகாரி)

இவ்வளவு தெளிவாக, தாம் எதையும் மறைக்கவில்லை என்பதை அண்ணல் நபி (ஸல்) அவர்கள் பிரகடனப் படுத்திய பிறகு – போலி ஷெய்குமார்கள் ரகசிய ஞானம் என்று ரீல் விடுகிறார்கள். ஆன்மா பக்குவப்பட்டதாகச் சொல்லப் படுபவர்கள் ஆடம்பரப் பங்களாக்களில் வசிக்கின்றனர். உல்லாசக் கார்களில் பவனி வருகின்றனர். ஊருக்கு ஊர் வசூல் வேட்டைக்குப் போகும்போது கூடப் பணக்கார முரீத்களின் பங்களாக்களில் தான் தங்குவர். ஆன்மா பக்குவப்பட்ட(?) இந்த அடலேறுகள் ஏழைகளின் குடிசையில் தங்கலாமே! எந்த உழைப்பும் இல்லாமல் பிறரிடம் யாசகம் வாங்கித் தின்றே வயிறு வளர்ப்பவர்களுக்கு ஆன்மா பக்குவப்பட்டு விட்டதாம். ஏழ்மையில் வாழ்ந்துக் கொண்டு தம் குடும்பத்தையும் கவனித்துக் கொண்டு, இந்த ஷெய்குமார்களுக்கு தட்சனையும் கொடுத்துக் கொண்டு, இறை வணக்கங்கள் புரிந்து வாழ்பவர்களுக்கு இன்னும் ஆன்மா பக்குவப்படவில்லையாம். இஸ்லாத்திற்கு விரோதமான குர்ஆனிலும் ஹதீஸிலும் காணப்படாத- புதுப்புது தத்துவங்களைக் கண்டுபிடித்து உளரிக் கொண்டிருப்பவர்கள், மறுமையை மறந்து விட்டார்கள். மார்க்கத்தின் பெயரால் மக்களை ஏமாற்றிய இந்த மாபாதகர்கள் நிரந்தர நரகத்தில் வீழ்ந்துக் கிடப்பார்கள் என்பதில் எள்ளவும் சந்தேகமில்லை.

இந்த போலி ஷெய்குமார்கள் சொன்னதையெல்லாம் வேத வாக்காகக் கருதியவர்கள், திக்ரு என்னும் பெயரில் அண்ணல் நபி (ஸல்) அவர்கள் சொல்லாததையெல்லாம் மந்திரங்களாக மொழிந்துக் கொண்டிருந்தவர்கள், இறைவனுக்கு மட்டுமே செய்யவேண்டிய ஸஜ்தாவை- தம்மைப் போன்ற சக மனிதர்களுக்குச் செய்து- சிரம் தாழ்த்தி வணங்கியவர்கள், அனைவரும் அல்லாஹ்வை அஞ்சவேண்டும். அறியாமையால் பாமர மக்கள் காலில் விழுந்த போது அதனைத் தடுக்காமல் அகம்பாவத்துடன் ரசித்து வேடிக்கை பார்த்தவர்களே!, நாளை மறுமையில், படைத்த இறைவனுக்கு முன்னர் நிறுத்தப் படுவீர்கள் என்பதை எப்போதாவது நினைத்துப் பார்த்திருக்கிறீர்களா? தப்பிக்க முடியாத அந்த நாளை மறந்து விடாதீர்கள். அல்லாஹ்வை அஞ்சுங்கள்.

தமிழ்முஸ்லிம்.காம்

மூன்றாம் உலகப்போரே வந்தாலும் சீனா ஈரானை பாதுகாக்கும்

பெய்ஜிங் ஈரானை பாதுகாப்பதற்காக மூன்றாம் உலகப் போரே உருவானாலும் சீனா ஈரானுக்கு இராணுவ பாதுகாப்பு அளிக்கும் என மேஜர் ஜெனரல் ஜாங் ஜாவொஜாங் கூறினார்.தெஹ்ரான் அணு ஆயுத சோதனையை காரணம் காட்டி அமெரிக்கா மற்றும் இஸ்ரேல், தொடர்ந்து ஈரானை அச்சுறுத்தி வந்தபோது அமைதியான நோக்கங்களுக்காக
அணுசக்தி தொழில் நுட்பத்தை பயன்படுத்த அணு ஆயுதத் தடை ஒப்பந்தத்தில் அனுமதி இருப்பதை சுட்டி காட்டி ஈரான் அதை மறுத்துள்ளது குறிப்பிடத்தக்கது.

கடந்த சில வாரங்களாக ஈரானுக்கு எதிரான ஆக்கிரமிப்புகளை அதிகரித்த நிலையில் நவம்பர் 21 ஆம் தேதி அன்று இஸ்ரேல் பாதுகாப்பு அமைச்சர் எஹுத் பாரக் ஈரானை சமாளிக்க சரியான தருணம் வந்துவிட்டது எனவும் ஜனாதிபதி ஷைமன் பெரஸ் தாக்குதலுக்கு தயாராக இருப்பதாகவும் கூறி ஈரானை எச்சரித்துள்ளார்.
மேலும் இது பற்றி ஈரான் இராணுவ அதிகாரிகள் கூறும்போது இப்பாதுகாப்பற்ற சூழல் மத்திய கிழக்கு நாடுகளை தாண்டி எதிரொலிக்கும் என உறுதிபடுத்தியுள்ளனர்.
இஸ்லாமிய குடியரசு நாடுகளை பாதுகாக்க மூன்றாம் உலக போருக்கும் சீனா தயாராக இருப்பதாக சீன தேசிய பாதுகாப்பு பல்கழைக்கழக பேராசிரியர் தெரிவித்துள்ளார்.
நன்றி: தூதுஆன்லைன்

“... என்ன குடுப்பியோ?”

ஒவ்வொருமுறை ஊருக்குச் செல்லும்போதும் வீட்டில் வந்து கிடக்கும் திருமண அட்டைகளைப் பார்த்து யார் யாருக்குத் திருமணம் நடந்திருக்கிறது என்று தெரிந்து கொள்வது வழக்கம். அல்லது, பல நேரங்களில் யாரையாவது ஜோடியாக வெளியே காண நேரும்போது, அசடு வழிய வேண்டி வரும்.

ஒரு கத்தை திருமண அழைப்பு அட்டைகளைப் பார்த்துக் கொண்டிருந்தபோது அறியமுடிந்த இன்னொரு விஷயம் திருமணம் ஆன கையோடு அதில் இரண்டு ஜோடிகளுக்கு விவாகரத்தும் ஆகிவிட்டது என்பது. அதுவும் திருமணம் முடிந்து ஏறக்குறைய மூன்று மாதங்களுக்குள்.


'விவாகரத்து' என்ற சொல்லை, சிறு வயதில் கேள்விப் பட்டிருப்பதே நம்மில் பலருக்கு அபூர்வம். எங்கோ யாருக்கோ எப்போதோ நிகழ்வதற்காக ஏற்படுத்தப்பட்டதுதான் மேற்படி சமாச்சாரம் என்பதுதான் மீதியுள்ள சிலரும் கேட்டு வளர்ந்தது. நமக்கும் அதற்கும் ஞானப்ராப்திகூட இருக்காது. அனால், இன்று சர்வ சாதாரணம். ‘இம்’ என்றால் டிவோர்ஸ். ‘ஏன்’ என்றால் கோர்ட்கேஸ். முடிந்தது கதை. அப்புறம்? தந்தை அல்லது சகோதரனிடம் பணம் இருந்தால் – அல்லது மீண்டும் இரக்கத் துணிவிருந்தால் - சிலருக்கு இரண்டாம் திருமணம். பலருக்கு இல்லை. வாழாவெட்டி என்று கடைசிவரைக்கும் பெயெர். ஒன்று இரண்டல்ல, நமது சமூகத்தில் அண்மைக் காலமாக நிறைய நடக்கிறது என்பது பலருக்கும் தெரிந்த பகிரங்க ரகசியம்.

புனிதமானது என்று சமீகாலம் வரை கருதப்பட்டத் திருமண உறவுகள் தந்திரமான வியாபரமாகவும், சுற்றத்தார்களுக்குப் பொழுது போக்கிற்காக விளையாடும் பகடையாகவும் மாறிக்கொண்டிருக்கிறது. காரணம் கேட்டால் பரஸ்பரம் குற்றம் சாட்டிக் கொள்வார்கள். (The Other party is always at fault) என்ன காரணம்?

வரதட்சணை:
வேறு பல சிறிய காரணங்கள் இருந்தாலும், முதலும் முடிவுமான பெரிய காரணம் வரதட்சணையும் அது சார்ந்த கொடுமைகளும் மட்டும்தான். பெண்ணிற்குப் புகுந்த வீட்டில் கொடுமை என்பது வாழையடி வாழை. கொடுமையின் அளவு அந்த வீட்டில் இருக்கும் மாமியாரின் மாறிக்கொண்டிருக்கும் மனநிலை, நாத்தனார்களின் எண்ணிக்கை போன்ற காரணிகளால் வேறுபடலாமேயொழிய, இல்லை என்பதரிது. வரதட்சணையைப் பற்றி பேசுபவர்கள் மார்க்க அறிவில்லாதவர்களாக இருப்பார்கள் என்று நீங்கள் நினைத்தால் பப்பி ஷேம்!! பப்பி ஷேம்!! இந்த நிகழ்வைக் கேளுங்கள்.

லீவில் ஊருக்குச் சென்றிருந்த நேரம். எனது ஒரு மருமகளுக்காக மாப்பிள்ளைத்தரம் பற்றிப் பேசவேண்டும் என்று முன்கூட்டியே சொல்லிவிட்டு மூன்று பேர் வந்தார்கள். அரேபியாவின் காலநிலை, வேலை வாய்ப்பு, கம்பியூட்டர் படித்து முடித்த மச்சினனுக்கு விசா வாய்ப்புகள் போன்ற பௌதீக நலம் விசாரிப்புகளுக்குப் பின்னர் பேச்சு கல்யாண விஷயம் பற்றித் திரும்பியது. வந்தவர்களில் முதலாமவர் கேட்ட முதல் கேள்வி

“சரீ...என்ன குடுப்பியோ?”

தடாலடியாக ஒளிவு மறைவு இல்லாமல் இப்படிக் கேட்பார் என்று நினைக்கவில்லை.

காரணம் அவரது தோற்றத்தின் மேல் வைத்திருந்த மரியாதை. காட்டிக் கொள்ளாமல் அப்பாவியாக “எதுக்கு?” என்றேன்

“இல்லே உங்க ரேட் என்னாண்ணு சொன்னியன்னா அதுக்கு ஏத்தா மாரி பாக்கலாம்லா. இப்போ 50 நகை 50 ரூவா கையிலெயும்ணா பையான் கோட்டாறூ. கோழிக்கடை வெச்சிருக்கான். 75 ம் 50 ம் நா பையன் ஜவுளிக்கடைலெ நிக்காம் பார்த்துகிடுங்கோ பி.காம் படிச்சிருக்கானாம்....இப்படி ஒவ்வொண்ணுக்கும் ஒவ்வொரு ரேட் இருக்கில்லியா...என்ன நாஞ் சொல்லது...”

உடல் கூசியது. கட்டுப்படுத்திக் கொண்டு மற்ற ரெண்டுபேரையும் பார்த்தேன். ஆமா ஆமா என்று வில்லுப் பாட்டிற்குத் தலையசைத்த பாவத்தில் பேரம் படியுமாவெனப் பார்த்துக் கொண்டிருந்ததார்கள்.

“இப்பிடி மாடு கணக்கா வெலெ பேசற மாப்பிள்ளைக்கு இங்கெ பொண்ணு இல்லை பார்த்துகிடுங்கோ..”. என்று அவருடைய பாணியில் சிரித்துக்கொண்டே சொன்னேன்.

மூன்று பேரும் வெலெ வெலெத்துப் போய் ஒருவருக்கொருவர் பார்த்துக் கொண்டு மெதுவாக எழுந்து சென்றுவிட்டார்கள். மேற்சொன்ன சம்பவத்தில் ஒரே குற்றவாளி நான்தான் என்று பின்பு தீர்ப்பெழுதப்பட்டது. மூன்று ‘வெலெப்பெட்ட’ ஆளுகளைப் பேசி விரட்டிவிட்டேனாம்.

மேற்சொன்ன சம்பவம் பெரிய அதிசயமில்லை. எல்லாக் குடும்பத்திலும் நடப்பதுதான். அதிர்ச்சி என்னவென்றால் முதலில் வந்த தரகரின் முழுநேர ஊழியம், பக்கத்து ஊர் பள்ளியில் தொழவைப்பது. அந்த ஜமாஅத்தின் பேஷ் இமாம். (பேஷ்.. என்றால் என்ன?). பகுதி நேரத் தொழில் கல்யாணத் தரகு வேலை மற்றும் வரதட்சணைப் பேரம் பேசுதல். கூட வந்தவர் ஒரு தங்ஙள். தங்ஙளின் சித்து வேலைகளைப் பற்றி ஒரு தனிக் கட்டுரையிலும் எழுதித்தீர்க்க முடியாத விஷயமிருக்கிறது. இருக்கட்டும்.

மூன்றாவது நபர் தங்ஙளின் ஏஜெண்ட். தங்ஙள் மற்றும் தங்ஙளின் ஏஜெண்டுகளின் கமெண்ட் “இப்பொ இங்கெ இப்படியெல்லாம் தான் நடக்கு.”

ஆக வரதட்சணை வாங்குவது ஹராம் என்றால் இந்த ஜென்மங்களுக்குச் சிரிப்பாணி வருகிறது. ‘அட போக்கத்தப் பயலே’ என்கிற ரீதியில் பார்க்கிறார்கள். மார்க்கக் கல்வி உள்ளவர்கள்கூட வக்காலத்து வாங்கும் சங்கதியாகிவிட்டது. இதற்கு எதிராக மாநாடு போட்டு விழிப்புணர்வு ஏற்படுத்தி வரும் இயக்கங்களும், இளைஞர்களும் இருக்கிறார்கள் என்று மட்டுமல்ல பெருகிவருகிறார்கள் என்பது சமூகத்திற்கு ஆறுதல் தரும் விஷயமென்றாலும் இரண்டு மூன்று தலைமுறையாகப் புரையோடியிருக்கும் பிரம்மாண்டத்திற்கு எதிராக மிருக பலத்துடன் போராட வேண்டியிருக்கிறதென்பது தான் உண்மை.

இஸ்லாமியச் சமுதாயத்தின் பொருளாதார மற்றும் பண்பாட்டுப் பேரழிவிற்கான முதற் காரணம் இது. வேறு எந்த சமூகத்திலாவது கணவன் உயிரோடு இருக்கும்போதே குடும்ப வாழ்க்கை வஞ்சிக்கப்பட்ட மனைவிமார்கள் லட்சக் கணக்கில் இருக்கிறார்களா?.

பிறந்த குழந்தையைக் கிள்ளச் சொல்லி மொபைல் போனில் பதியச்செய்து கேட்டு இன்புறும் அவலம் நடக்குமா? ஐந்தாயிரத்திற்கும் பத்தாயிரத்திற்கும் வளைகுடாவில் அவஸ்தைப் படும் விட்டில் பூச்சிகள் நிறைந்த ஒரு சமூகமாகத் தமிழக, கேரள முஸ்லிம் சமூகத்தை மாற்றியதில் வரதட்சணைக்கு இருக்கும் பெரிய பங்கைச் செவிட்டு ஊமைகளால்தான் மறுக்க இயலும். இரண்டோ அதற்கு மேலோ பெண் மக்கள் இருக்கும் தகப்பனின் வாழ்க்கை வரதட்சணையைச் சுற்றி சுற்றிப் பின் அஸ்தமிக்கும்.

சொத்தை விற்றோ, கடன் வாங்கியோ, கண்ணியத்திற்கு அப்பாற்பட்டு பிச்சை எடுத்தோ பெண்ணின் திருமணத்தை நடத்தி விடவேண்டும் என்பதே பல குடும்பங்களின் வாழ்க்கை இலட்சியம்.

ஒவ்வொரு நடுத்தரக் குடும்பத்தின் முதுகெலும்பை உடைப்பதும், இயற்கையாகக் குடும்பத்தில் இருக்க வேண்டிய பண்பாடு, மகிழ்ச்சி, அன்னியோன்னியம், உறவுகள் எல்லாம் ‘எரிமுன்னர் வைத்தூறு போல’ அழிந்துவிடுவதும் இதனால் தான். இவ்வளவு கஷ்டப்பட்டு ஒரு பெண்ணை ‘இறக்கிவிட்டுவிட்டால்’ பிரச்சினை நின்றுவிடுமா? இல்லை. வேறு ரூபத்தில் வன்முறைகள் ஆரம்பிக்கும்.

வரதட்சணைச் சார்ந்த வன்முறைகள்:
உலகத்தில் எந்தத் தகப்பனும் புத்தி ஸ்வாதீனம் இல்லாதவரையிலும் தனது ஆயுள் சேகரிப்பைத் தன் மகளுக்குத் தானமாகக் கொடுத்துப் புகுந்த வீட்டில் போய் கொடுமைப்பட அனுமதிக்க மாட்டான். நூற்றுக்குத் தொண்ணூறு குடும்பங்களில் பெண்களுக்கு எதிரி பெண்களே. திருமணம் முடிந்த அடுத்த நாளே பெண் கொண்டுவந்த அல்லது கொண்டுவராமல் விட்ட பொருட்களின் கணக்குகள் தயார் செய்யப்பட்டு போருக்கு ஆயத்தமாவார்கள்.

கணவனின் சகோதரிகள் எனப்படும் துர்தேவதைகள் (விதி விலக்குகள் உண்டு ஆனால் மிகச் சொற்பம்), மெத்தை கொண்டு வந்தாயா? மேல்விரிப்புத் தான் உண்டுமா? உன் தகப்பனுக்கு பிரிட்ஜ்க்குப் போக்கில்லையா? ஏன் வந்தாய்? எதற்கிங்கிருக்கிறாய்? மதினிமார்களுக்கு மரியாதைச் செய்யத் தெரியாதா? (தங்கத்தில் வளை போடவேண்டுமாம்). அந்த வீட்டில் என்னவெல்லாம் செய்கிறார்கள்? உலக நடப்புத் தெரியாதா?.

இப்படிக் கேட்டுத் துன்புறுத்தும் துர்தேவதைகளுக்கு மதினிமார்களோ மாமியாரோ இருக்கமாட்டார்கள். அல்லது ‘ஏன் இன்னொரு குடும்பத்தில் போய் பிரச்சினை செய்கிறாய் என்று கேட்கத் தெரியாத ‘பொட்டைக்’ கணவனாக வாய்த்து இருப்பான்.

தாய்க்குத் தன் மகன் அன்றிலிருந்து வேறு மனிதனாகத் தெரியத் தொடங்குவான். எது சொன்னாலும் செய்தாலும் ‘அவளின்’ தலையணை மந்திரம் ‘அவளின்’ வீட்டிலிருந்து வரும் நபர்கள் அவமானப் படுத்தப் படுவார்கள். ‘அவளின்’ பேச்சுக்களை ஒட்டுக் கேட்க பத்து வயது சிறுமியை (துர்தேவதையின் மகளாக இருக்கும்) அனுப்பி ஜூனியர் துர்தேவதையைத் தயார் செய்வார்கள்.

வீட்டிற்கு விருந்தாளிகள் வந்தால் இரண்டுவிதமானக் கொடுமைகள். ஒன்று சமையலறையின் மொத்த குத்தகையையும் எடுத்துக் கொண்டு விருந்தாளிகளிக்குச் சமையல் செய்யவேண்டும். துர்தேவதைகளும் விருந்தாளிகளும் சேர்ந்து மருமகளின் பிரதாபங்களை அளந்து ‘வேடிக்கையாகச் சிரிப்பதையும்’ சகித்துக் கொள்ளவேண்டும்.

கொஞ்சமேனும் நியாய உணர்வுள்ள தாயாக இருந்தால் வாய்மூடி இருப்பாள். கவனிக்க, வாய் மூடித்தான் இருப்பாள். நியாயம் சொல்ல மாட்டாள். நியாய உணர்வில்லாத தாயாக இருந்தாலோ மகளுக்கும் மருமகளுக்கும் நடக்கும் போரில் மகளின் தளபதி தாய் தான். அல்லது தாயின் தளபதி மகள். எங்கிருந்தோ மகனைக் ‘கொண்டுபோக’ வந்த மருமகளுக்கு எந்த மாமியாரால் பரிந்து பேச இயலும்? அப்படி இருமுனைத் தாக்குதல். ஒன்றுக்கு மேற்பட்ட துர்தேவதைகள் வாய்த்துவிட்டாலோ பல முனைத் தாக்குதல்கள். மாமியாரிடம் அனுமதி பெற்றுத்தான் படுக்கையறைக்குச் செல்ல வேண்டும் என்ற ‘சட்ட’மெல்லாம்கூட இருந்திருக்கிறது.

நாத்தனாருக்குக் கல்யாணமா? மருமகளின் தங்கம் மொத்தமும் கொடுத்து விடவேண்டும். ஏனென்றால் கணவனின் சகோதரிக்குத் திருமணம் செய்து வைக்க வேண்டியது கணவனின் கடமையல்லவா?. தாய் சொல்வாள், அதற்குத் தானடா உன்னைப் பெற்றேன் என்று. கையாலாகாத கணவன் அவ்வளவு பணத்திற்கு எங்கு போவான்? மனைவியின் பொன் கைமாறும். பொறுத்துக்கொள்ள வேண்டும்.

இதே சீனரியோ மகளுக்கு வந்திருக்கிறது என்று வைத்துகொள்வோம். தாயின் நியாயம் இப்படி இருக்கும். “கொடுக்காதே! எல்லாத்தையும் வித்துத் தொலைச்சால் நீ என்ன செய்வாய்?”. மகளைத் தான் பெற்றதும் மருமகளை எவளோ பெற்றதுமல்லவா?

இத்தனை அநியாயமும் மகன் வீட்டிலிருக்கும்போது. மகன் வெளிநாட்டுக்குப் போய்விட்டான் என்று வைத்துக் கொள்ளுங்கள். இரண்டு வருடம் கழித்து அவன் லீவில் வரும்வரை அவள் உயிரைக் கையில் பிடித்து வைத்திருப்பது அவள் தாய் தந்தைச் செய்த பாக்கியம். இததனைப் பண்பாட்டுச்சீரழிவுக்கும் மூல காரணம் சீதனம்.

மேற்சொன்ன காரியங்கள் எதுவும் மிகைப் படுத்தப் பட்டவையல்ல. அடக்கி வாசித்து எழுதப்பட்டதே. இன்னொரு கட்டுரை எழுதுமளவுக்கு அனாச்சாரங்கள் நடக்கின்றன.

சரி இதெல்லாம் மாமியார் நாத்தனார் கொடுமைகள். இருக்கட்டும். புகுந்த வீட்டிற்குப் போய் அட்டகாசம், அநியாயம் செய்யும் மருமகள்கள் இல்லையா? இருக்கிறார்கள். குறைவு!.

உயிரோடு எரித்து, ஸ்டவ் வெடித்து, தூக்கிலிடப்பட்டு, தூக்கிட்டு, துரத்தப்பட்டு நாள் தோறும் நடக்கும் ‘விபத்துக்கள்’ எல்லாம் மருமகள்-களாகப் பார்த்துத் தான் நடக்கின்றன. மாமியார் நாத்தனார்களுக்கு நடப்பதில்லை.

இந்த நாத்தனார்களும் இன்னொரு வீட்டின் மருமகள்களே. மாமியாரின் மகள்கள் இன்னொரு வீட்டிற்குச் செல்லும்போது ஏறக்குறைய இதே நிகழ்வுகள் அங்கும் நடக்கிறது. அந்த வீட்டின் துர்தேவதைகளின் குணநலன்களைப் பொறுத்து அளவில் மாறுபடும். அப்படி ஒரு சைக்கிள் சுற்றிக் கொண்டிருக்கிறது மொத்த சமூகத்திலும். அப்படியே மருமகள் செய்யும் அநியாயமும் சீதனத்தின் பெயரிலேயேதான் நடக்கிறது. என் தாய் தந்தையிடமிருந்து நான் கொண்டுவந்த பணத்திற்கும் பொன்னிற்கும் மீதுள்ள முழு அதிகாரமும் எனக்குத்தான் என்ற உரிமையில் வரும் அதிகாரம்.

அது சரி இதில் ஆண்களுக்குப் பங்கே இல்லையா?. இருக்கிறது மிகப் பெரிய பங்கு. என்ன?

(இன்னும், இன்ஷா அல்லாஹ்...)

- அபூ பிலால்


Read more about “... என்ன குடுப்பியோ?” | வாசகர் மடல் Courtesy: www.satyamargam.com

தினமல(ம்)ர் விஷமம்(வன்மையாக கன்டிக்கிறோம்)

தகவல் From: பயனுள்ள தகவல்கள் payanullathagaval@gmail.com

தவறான தகவல் தரப்பட்டுள்ளது. சிறுவர்களாக இருக்கும் போதே ஃபாத்திமா(ரலி) அவர்கள் இறந்து விட்டார்கள். தற்கொலை செய்து கொள்பவர்களுக்கு நிரந்த நரகம் கிடைக்கும் என்று இஸ்லாம் மட்டுமே சொல்கிறது. இப்படி இருக்க, தற்கொலையை ஒழிக்க பாடுபட்ட நபியின் மகளையே தற்கொலை செய்து கொண்டதாக பதிவு செய்வதற்கு மிகுந்த துணிவு வேண்டும். இது தவறான தகவல் என்று உடனே அனைவரும் கண்டித்து மெயில் அனுப்பவும்.



தினமலர் தமது காவி சிந்தனையையும் முஸ்லிம் விரோத போக்கினையும் இன்னும் குறைக்கவில்லை என்பதற்கு இன்னுமொரு எடுத்துக்காட்டு, அவர்களது இணையதளத்தில் அவர்கள் இன்று வெளியிட்ட முஹர்ரம் தொடர்பான செய்தி..



பாத்திமா நாச்சியாரின் மகன்களான அசேன், உசேன் இருவரும் போரில் இறந்த செய்தி கேட்டு,பாத்திமா தீக்குளித்து இறந்தார். அவர் நினைவாக இந்த பள்ளி வாசலில் 183 வது ஆண்டாக தீமிதி நிகழ்ச்சி நடைபெற்றது.



முஹர்ரம் மாத சிறப்பிற்குரிய நாளின் மகத்துவத்தையும் அது எந்த அளவிற்கு மகிழ்ச்சிக்குரியதாக நோன்பு நோற்று இறைவனுக்கு நன்றியை அமைதியாக வெளிப்படுத்தும் வணக்கத்திற்குரிய நாள் என்பதையும் மறந்து ஷியா சமுதாயம் வழி கெட்டுக்கொண்டிருக்கும் வேளையில், அதை ஊக்குவிப்பதாக செய்தி வெளியிட்டு, அதோடு மட்டும் நிறுத்திக்கொள்ளாமல், இஸ்லாமிய வரலாற்றையே களங்கப்படுத்தி, நபிகள் நாயகம் (ஸல்) அவர்கள் யாரை இந்த உம்மத்து பெண்களுக்கெல்லாம் தலைவியாக சிலாகித்து சொன்னார்களோ,அந்த பாத்திமா (ரலி) அவர்கள் தற்கொலை செய்து கொண்டார்கள் என்று செய்தி வெளியிட்டு,இஸ்லாத்திற்கு எதிராக மீண்டும் களங்கம் சுமத்தியுள்ளது..



இஸ்லாமியர்களை எந்த வகையிலாவது உசுப்பேற்றிக்கொண்டே இருக்க வேண்டும் என்கிற இந்த காவிக்கும்பலின் எண்ணம் நம் சமுதாயத்தின் வீரிய போராட்டங்களின் மூலமாக முறியடிக்கப்பட வேண்டும்..



தினமலரை புறக்கணிக்க வேண்டிய சந்தர்ப்பம் மீண்டும் ஒரு முறை நம் சமுதாயத்திற்கு வந்துள்ளது..



http://www.dinamalar.com/district_detail.asp?id=363074

இப்படியுமா மனிதர்கள்?//

முகவை சேக்

விட்டால் காலையும் நக்குவான் போல:))

பெண் அடிமைத்தனம் அந்த காலம் ...ஆண் அடிமைத்தனம் இந்த காலம் :))

Abdur Rahman ulagam aliyap poguthu

Abdul Vahab கபடி கபடி
about an hour ago · Like · 4

முகவை சேக் Ha..Ha..Ha..
about an hour ago · Like · 1

Bakeer Maideen kalil vilavittal kaluthil mithi vilum.athai ninathale sakavendiyathuthan.. athanalthan yosikamal vilukirarkal.

about an hour ago · Like · 2
Mohamed Feroskhan yanna valkata itu
about an hour ago · Like · 1

Iliyas Smart kaalil viluntu kaariyam saatikkum padalam
about an hour ago · Like · 2\

Mohamed Younis oh ho hoho
50 minutes ago · Like · 1

Sma Abuthahir super uppppppppooooooooooooooooo
40 minutes ago · Like · 1

Halith Mohamed அட நாதாரி
27 minutes ago · Like

Shahul Hamid இவனுக திருந்த மாட்டானுங்களா
16 minutes ago · Like

Mohamed Meeran Hasani Vita Sethuruvan Pole ha..Ha..Ha..
14 minutes ago · Like

வேங்கை சு.செ.இப்ராஹீம் கருவாடு மீனாகளாம்... மொட்டைதலையிலும் முடி முளைக்கலாம்...
கேல்வரகில் எண்ணெய் வடியலாம்... எருமைமாடும் ஏரோப்ளேன் ஓட்டலாம்...

ஆனால்

அம்மையாரின் குணம் மட்டும் மாறவே மாறாது...
13 minutes ago · Like · 2
புதுமடம் சதாம் உசேன் Ha.....Ha.....Ha.....
3 minutes ago · Like

Write a comment...

இந்தியாவின் மின்னஞ்சல்கள்,தொலைபேசிகள் சீனாவால் திருடப்படுகின்றன. ஜூலியன் அசாஞ்சே

டில்லியில், நேற்று நடந்த ஹிந்துஸ்தான் டைம்ஸ் பத்திரிகையின் நிகழ்ச்சி ஒன்றில், வீடியோ கான்பரன்ஸ் மூலம், லண்டனில் இருந்து விக்கிலீக்ஸ் நிறுவனர் ஜூலியன் அசாஞ்ச் பேசினார். அவர் கூறியதாவது: வெளிநாடுகளில், இந்தியர்கள் பதுக்கி வைத்துள்ள கறுப்புப்பணம் பற்றிய தகவல்கள், அவர்களின் வங்கிக் கணக்குகளுடன், அடுத்தாண்டு வெளியிடப்படும்.
சி.பி.ஐ., மின்னஞ்சல்களில் இருந்து, சீன உளவுத் துறை தகவல்களைத் திருடியதற்கு, என்னிடம் ஆதாரங்கள் உள்ளன. இந்தியாவின் தொலைபேசி மற்றும் மின்னஞ்சல் தொடர்புகளை, மேற்கத்திய நாடுகள் ஒட்டுக் கேட்டு வருகின்றன. அதனால், இந்தியா, பாதுகாப்பான தகவல் தொடர்பை கையாள வேண்டிய அவசியம் ஏற்பட்டுள்ளது, என்றார்.
as
thedipaar.com

லஞ்சம் லஞ்சம் லஞ்சம் லஞ்சம்

முல்லைப்பெரியாறு உன்மை நிலை

Part 2

மனிதநேய மக்கள் கட்சியின் பயணத்தில்

மனிதநேய மக்கள் கட்சியின் பயணத்தில் 2.11.2011 ஒரு மகிழ்ச்சியான நாளாகும். உள்ளாட்சி தேர்தலில் மமக சார்பில் வெற்றிபெற்ற மக்கள் பிரதிநிதிகளுக்கு ஒருநாள் நிர்வாக பயிற்சி முகாமும், சான்றிதழ் அளிக்கும் நிகழ்ச்சியும் நடைபெற்றது.

மேகமூட்டத்துடன் கூடிய மழைச்சாரலும், குளிர்ந்தகாற்றும், சென்னை மாநகரை இதமான ஒரு சூழலில் பரவசபடுத்தி கொண்டிருந்தது. தமிழகத்தின் பல்வேறு பகுதிகளிலிருந்து வருகை தந்திருந்த பிரதிநிதிகளை தலைமை நிர்வாகிகள் மகிழச்சியுடன் கைகுலுக்கி வாழ்த்த, அவர்களோ இனம் புரியாத சந்தோசத்தில் திளைக்க; நிகழ்ச்சி நடைபெற்ற சிராஜ் மஹால் உணர்வுபூர்வமாக இருந்தது.

பேராசிரியர் ஜவாஹிருல்லாஹ் அவர்கள் பயிற்சி முகாமை தொடங்கி வைத்தார். புகழ்பெற்ற ஒய்வுபெற்ற முன்னாள் ஐ.ஏ.எஸ் அதிகாரி அபுல்ஹசன் அவர்களும், உள்ளாட்சி நிர்வாகத்தில் அனுபவம் பெற்ற திரு.தாஸ் அவர்களும், பத்தாண்டு கால நேரடி நிர்வாகத்தை பெற்ற சாத்தனி சிராஜ் அவர்களும் வகுப்புகளை எடுத்தார்கள்.

உள்ளாட்சி நிர்வாகம் என்றால் என்ன? மன்ற கூட்டங்களை நடத்துவது எப்படி? நிதியை எப்படி செலவு செய்வது? அதிகாரிகளை பயன்படுத்துவது எப்படி? மத்திய மாநில அரசுகளின் திட்டங்களை மக்களுக்கு கொண்டு செல்வது எப்படி? தங்கள் வார்டுகளில் செய்யகூடிய பணிகள் என்ன? என்னவெல்லாம் அதிகபட்சமாக செய்ய முடியும்? என பல்வேறு ஆக்கபூர்வமான விஷயங்களை குறித்து அவர்கள் விளக்கியபோது மமக பிரதிநிதிகள் அனைவரும் மாணவர்களாக மாறிபோனார்கள்.

இந்நிகழ்ச்சியை பதிவு செய்ய வந்த பத்திரிக்கையாளர்கள் இதுபோன்ற பயனுள்ள ஒரு நிகழ்ச்சியை இதுவரை எந்த அரசியல் கட்சிகளும் நடத்தியது இல்லை என்று பாராட்டினார்கள். மமக உண்மையிலேயே ஒரு வித்தியாசமான மாற்று அரசியல் கட்சிதான் என வியந்தார்கள்.

நிகழ்ச்சியின் இறுதியில் அனைவருக்கும் சான்றிதழ்கள் வழங்கப்பட்டது. முதலில் 156 பேர் தான் மமக சார்பில் வெற்றி பெற்றதாக அறிவிக்கபட்டிருந்தது. பிறகு கிராமங்களில் இருந்து விடுபட்ட எண்ணிக்கையும் சேர்த்து 165 என அறிவிக்கப்பட்டது. நிகழ்ச்சி நடைபெற்ற அன்றைய தினம் இன்னொரு ஏழு பேர் எங்கள் பெயரை ஏன் மக்கள் உரிமையில் போடவில்லை என முறையிட்டு சான்றிதழ்களை கேட்க தலைமை நிர்வாகிகள் கோபத்தின் உச்சிக்கே சென்றார்கள். இது குறித்து சில மாவட்ட நிர்வாகிகளை பகிரங்கமாக கண்டித்து பேசிய பேராசிரியர், தலைமைக்கு ஒழுங்கான தகவல்களை அனுப்பததால் ஒருங்கிணைந்த முழு பட்டியலை ஒரு சேர வெளியிட முடியாமல் போனதை சுட்டிகாட்டினார்.

35 பெண்கள், 2கிறிஸ்தவர்கள், 9 இந்துக்கள் உட்பட மமகவின் 172 வெற்றியாளர்களுக்கும் சான்றிதழ்கள் வழங்கப்பட்டது. மதியம் விருந்துடன் நிகழ்ச்சிகள் நிறைவடைந்தது. புது ரத்தம் பாய்ந்த உணர்வோடு மக்கள் பணியாற்ற புறப்பட்டனர் மமகவின் சொந்தங்கள்.

posted by;; Irainesan

அன்னா ஹாசரேவாக இல்லாமல் இருக்க விரும்புகிறேன். அருந்ததி ராய்

அவரது வழிமுறைகள் காந்தியமாக இருக்கலாம், ஆனால் அவரது கோரிக்கைகளில் கண்டிப்பாக காந்தியம் இல்லவே இல்லை..
தொலைக்காட்சியில் எதைப் பார்க்கிறோமோ, அவைகள்தான் உண்மையில் புரட்சிகரமானதென கருதினால், அதுதான் சமீபத்தில் நடந்ததில் மிகவும் தர்மசங்கடமானதாகவும் புத்திசாலிதனமற்றதாகவும் இருந்திருக்கும்.. இப்போது ஜன் லோக்பால் மசோதா பற்றி, நீங்கள் என்ன கேள்வி யாரிடம் கேட்டிருந்தாலும், அந்த கேள்வி கீழ்கண்ட கட்டங்களில் ஏதாவது ஒரு பதிலைதான் சரியென அவர் 'டிக்' செய்திருப்பார்கள் (அ) வந்தே மாதரம்! (ஆ) பாரத அன்னைக்கு ஜே! (இ) இந்தியா என்றால் அன்னா, அன்னா என்றால் இந்தியா! (ஈ) இந்தியாவுக்கு ஜே!

முற்றிலும் வெவ்வேறு காரணங்களுக்காக, முற்றிலும் வெவ்வேறு வழிகளில், மாவோயிஸ்டுகளும் ஜன் லோக்பால் மசோதாகாரர்களும் ஒரே பொதுவான அம்சத்தை வலியுறுத்தி வருகின்றனர் என்று நம்மால் கண்டிப்பாகச் சொல்ல முடியும். இருவருமே இந்திய அரசைத் தூக்கி எறிய முயல்கிறார்கள். ஒருவர், ஏழைகளிலும் ஏழைகளான ஆதிவாசிகளினால் உருவாக்கப்பட்ட இராணுவத்தின் துணை கொண்டு, ஆயுதப் போராட்டத்தின் மூலம், கீழிருந்து தூக்கி எறிய முயல்கிறார். மற்றொருவர் மேலிருந்து, நகரம் சார்ந்த ஆனால் நிச்சயமாக நல்ல பொருளாதாரப் பின்புலம் கொண்டவர்களால் உருவாக்கப்பட்ட இராணுவத்தைக் கொண்டு, புத்துணர்வு கொண்ட ஒரு சாதுவின் தலைமையின் கீழ், இரத்தம் சிந்தாத காந்திய ஆட்சிக்கவிழ்ப்பு மூலம், அரசைத் தூக்கி எறியப் பார்க்கின்றனர். (இந்த முறையில் அரசு நிர்வாகமும் தன்னைத் தானே தூக்கி எறிந்து கொள்ள, அனைத்தையும் செய்து உடந்தையாக உள்ளது)
2011ம் வருடம் ஏப்ரல் மாதம் அன்னா ஹசாரே முதலாவது "சாகும் வரை உண்ணாவிரதத்தை" சில நாட்கள் இருந்தார். அப்போது எழுந்த பெரும் ஊழல்கள், இந்திய அரசின் நம்பிக்கைத் தன்மையையே சிதைத்திருந்தது. அதிலிருந்து மக்கள் கவனத்தைத் திசைதிருப்ப, அரசு நமது சிவில் சமூகத்தால் "அன்னா அணி" என்று அழைக்கப்பட்ட இந்த அணியினரைப் பேச்சுவார்த்தைக்கு அழைத்தது. அந்தக் குழுவை ஊழல் ஒழிப்பு சட்ட வரைவு கமிட்டியில் கூட்டு உறுப்பினராகச் சேர்த்துக் கொண்டது. சில மாதங்கள் கடந்ததும் அரசு இந்த முயற்சியைக் கைவிட்டு, புதிய வரைவு மசோதாவைப் பார்லிமெண்டில் முன்வைத்தது. அந்த வரைவு மசோதா பலவித குறைபாடுகளுடன் இருந்ததால், விவாதிப்பதற்கே தகுதியற்றதாக அது இருந்தது.
பிறகு ஆகஸ்டு 16ம் தேதி காலையில் தனது இரண்டாம் "சாகும்வரை போராட்ட"த்தை அன்னா ஹசாரே துவங்கினார். அவர் தனது உண்ணாவிரதத்தைத் துவங்கும் முன்னர் அல்லது அவர் எந்தவித சட்டரீதியான குற்றத்தைச் செய்வதற்கு முன்னரே, கைது செய்யப்பட்டு சிறைச்சாலையில் அடைக்கப்பட்டார். விளைவாக ஜன் லோக்பால் மசோதாவை நடைமுறைப்படுத்தும் போராட்டம் என்பது எதிர்ப்புத் தெரிவிப்பதற்கான போராட்டம், ஜனநாயகத்திற்கான போராட்டம் என மாற்றப்பட்டு ஒருங்கிணைக்கப்பட்டது. இந்த இரண்டாம் சுதந்திர போராட்டத்தைத் துவங்கிய சில மணி நேரத்திற்குள், அன்னா விடுவிக்கப்பட்டார். ஆனால் புத்திச்சாதுரியத்துடன், அன்னா சிறைச்சாலையை விட்டு வெளியேற மறுத்து விட்டார்; விளைவாக தான் உண்ணாவிரத்தைத் துவங்கிய இடத்திலேயே, கெளரவம்மிக்க விருந்தாளியாகத் தொடர்ந்து இருந்தார். தனக்குப் பொதுவிடத்தில் உண்ணாவிரதம் இருக்கும் உரிமையைத் தரவேண்டுமென கோரிக்கையை விடுத்தவாறு, தொடர்ந்து உண்ணாவிரதம் இருந்தார். அந்த மூன்று நாட்களும் கூட்டமும் தொலைக்காட்சி வண்டிகளும் சிறைச்சாலைக்கு வெளியே கூடி நிற்க, அன்னா அணியின் உறுப்பினர்கள் திகாரில் என்ற உயர்காவல் சிறைச்சாலைக்கு உள்ளேயும் வெளியேயும் காற்றைக் கிழித்துக் கொண்டு அங்குமிங்கும் பறந்து சென்று கொண்டு இருந்தார்கள். அவர்கள் உள்ளேயிருந்து கொண்டு வந்த விடியோ செய்திகளை, அனைத்துத் தேசிய மற்றும் மற்றும் அனைத்து தனியார் தொலைக்காட்சி ஊடகங்களில் வெளியிட கொடுத்து வெளியிட்டனர். (இந்த மாதிரியான ஆடம்பரம், வேறு நபருக்கு அங்கு அனுமதிக்கப் பட்டதில்லை.) இதற்கிடையில் தில்லி முனிசிபல் கமிஷனின் 250 ஊழியர்கள், 15 லாரிகள் மற்றும் 6 மண் புரட்டிப் போடும் இயந்திரங்களின் உதவியுடன், சகதியாகக் கிடந்த ராம்லைலா மைதானத்தில் நாள் முழுக்க வேலைப் பார்த்து, அடுத்த வாரம் அரங்கேறப் போகும் தமாஷாவுக்கு, அதைத் தயார் செய்து கொண்டிருந்தார்கள். முடிவே இல்லாமல் காத்திருந்து விட்டு, கிரேனில் தொங்கவிட்ட காமிராக்களையும் உற்சாக கோஷமிட்டுக் கொண்டிருந்த கூட்டத்தையும் அவதானித்து விட்டு, இந்தியாவில் மிகவும் விலைகூடுதலான மருத்தவர்களின் மருத்துவ உபசரிப்புடன், அன்னாவின் மூன்றாவது கட்ட "சாகும் வரை உண்ணாவிரதம்" துவங்கியது. உடனே பல தொலைக்காட்சி தொகுப்பாளர்கள், “காஷ்மீரில் இருந்த கன்னியாகுமரி வரை, இந்தியா ஒன்றுதான்” என்று முழக்கமிட ஆரம்பித்து விட்டார்கள்.
அவரது வழிமுறை வேண்டுமானால் காந்தியமாக இருக்கலாம், ஆனால் அவரது கோரிக்கைகளில் கண்டிப்பாக காந்தியம் எதுவும் இல்லை. அன்னாவின் கருத்துக்கு மாறாக, காந்தி அதிகாரத்தை மையப்படுத்துவதற்கு எதிராக நின்றார். அதிகாரக் குவியலை எதிர்த்து, அதை அமத்தியத்துவப் படுத்த காந்தி விரும்பினார். லோக்பால் மசோதாவோ காந்தியத்துக்கு ஒவ்வாத அதிகாரம் மத்தியத்துவப்படுத்தப்பட்ட ஒரு கொடுமையான ஊழல் எதிர்ப்புச் சட்டம். இந்த வரைவுச்சட்டத்தின் படி, ஜாக்கிரத்தையாகத் தேர்ந்தெடுக்கப்பட்ட சிலர், ஆயிரக்கணக்கான ஊழியர்களைக் கொண்டு, ஒரு அதிகார மையத்தை நிர்வகிப்பார்கள். அம்மையத்திற்குக் காவல்துறையினருக்கு உள்ள அதிகாரம் உண்டு, அவர்கள் பிரதம மந்திரியில் இருந்து, நீதித்துறையைச் சார்ந்தவர்களில் இருந்து, பாராளுமன்ற உறுப்பினர்களிருந்து, அதிகார மட்டத்திலுள்ள கீழ்மட்ட அரசு அதிகாரிகள் வரை, அனைவரையும் கண்காணிக்கலாம். லோக்பாலுக்கு ஒன்றை ஆய்வு செய்து துப்புத் துலக்கவும், கண்காணிக்கவும், அவர்கள் மேல் வழக்குத் தொடரவும் அதிகாரம் உண்டு. லோக்பாலிடம் சிறைச்சாலை மட்டும்தான் இல்லை. அதைத் தவிர அது ஒரு தனிப்பட்ட நிர்வாக அமைப்பாகக் கணக்கில் அடங்காமல் சொத்து வைத்திருப்பவர்களையும், அளவுக்கு அதிகமாக ஊதிப் பெருத்தவர்களையும், ஊழல் பேர்வழிகளையும் எதிர்கொள்ளும் வகையில் செயற்படும். அரசு நிர்வாகம் என்பதே இதற்காகதானே ஏற்படுத்தப்பட்டுள்ளது. இப்போது அரசு நடுத்தும் சிறு குழுவினரின் ஆட்சி போதாதென்று, மற்றொரு சிறுகுழு ஆட்சியை லோக்பால் மசோதா ஏற்படுத்தித் தருகிறது. ,இதன் மூலம், இரண்டு சிறு குழு ஆட்சிக்கு வழிவகுப்பதாக இந்த லோக்பால் மசோதா அமைகிறது.
இந்த மசோதா பயன் தருமா இல்லை தராதா என்பது, நாம் ஊழலை எப்படிப் பார்க்கிறோம் என்பதைப் பொறுத்தே உள்ளது. ஊழல் என்பது வெறுமனே சட்ட சம்பந்தப்பட்டப் பிரச்சினையா? ஊழல் என்பது வெறுமனே நிதி மோசடியும் லஞ்ச லாவண்யமும் உள்ள பிரச்சினையா? அல்லது அதிகாரம் என்பது மிகச் சிறுபான்மையினரின் கையில் குவிந்து கிடக்கும் இந்தச் சமத்துவமற்ற சமுதாயத்தில், ஊழல் என்பது சமூக பட்டுவாடாவுக்கான கரன்சி நோட்டா? ஒரு உதாரணத்திற்கு நான் சொல்வதைச் சிந்தித்துப் பாருங்கள்! பெரிய பெரிய ஷாப்பிங் மால் உள்ள ஒரு நகரத்தில், வீதிகளில் கூவி விற்கும் சில்லறை வியாபராம் தடை செய்யப்பட்டுள்ளது என்று எடுத்துக் கொள்ளுங்கள். இருப்பினும் இந்தச் சில்லறை வியாபாரி இந்த ஷாப்பிங் மாலின் விலைக்கு ஈடு கொடுத்து வாங்க முடியாத வாடிக்கையளர்களுக்கு, தனது பொருளை விற்க வேண்டுமானால் கண்டிப்பாகச் சட்டத்தை மீறிதான் செயற்பட வேண்டும். அதற்காக அங்குள்ள போலிஸிக்கும் முனிசிபாலிடி ஆளுக்கும் அவர் சிறு தொகையைக் கொடுக்கிறார் என்று வைத்துக் கொள்ளுவோம். அப்படிச் செய்வது ரொம்ப மோசமான செயலா? எதிர்காலத்தில் இந்தச் சில்லறை வியாபாரி தனது வணிகத்தைச் செய்ய இந்த லோக்பால் பிரதிநிதகளுக்கும் கொஞ்சம் பணம் கொடுக்க வேண்டுமா? சாதாரண மக்கள் எதிர்கொள்ளும் பிரச்சினைகளுக்கான தீர்வு என்பது அமைப்புரீதியான சமத்துவமின்மைக்குத் தீர்வு காண்பதிலேயே உள்ளது. அப்படிச் செய்யாமல், அதற்குப் பதில், மக்கள் இன்னுமொரு அதிகார மையத்தை எதிர்கொள்ளட்டும் என்று விட்டு விடுவது எப்படி ஞாயமாக இருக்கும்?
இதற்கிடையில் அன்னாவின் புரட்சிக்கான கட்டமைப்பும் நடன இயக்கமும், அதற்கான உக்கிரமான தேசியவாதமும் கொடி அசைத்தலும், இடஒதுக்கீடு எதிர்ப்பாளர்களின் எதிர்ப்பு போராட்டத்தில் இருந்தும், உலகக்கோப்பை வெற்றி அணிவகுப்பிலிருந்தும், அணுச்சோதனை கொண்டாட்டத்தில் இருந்தும் கடன் வாங்கப்பட்டுள்ளது. அவர்களது உண்ணாவிரதத்தை நீங்கள் ஆதரிக்கா விட்டால், அவர்கள் உங்களை "உண்மையான இந்தியன் இல்லை" என்று அடையாளப் படுத்துவர்கள். அது போலவே இந்த 24 மணிநேர ஊடகங்களும், இந்த நாட்டில் இந்தச் செய்தியை விட்டால், வெளியிடுவதற்கு உருப்படியான வேறு செய்தியே இல்லாத போல, மாயையை உருவாக்கி வருகின்றன.
இந்த உண்ணாவிரதம் ஐரம் சர்மிளாவின் பத்து வருட உண்ணாவிரதத்திற்கு எந்த விதத்திலும் அர்த்தமும் வழங்கவில்லை. சந்தேகத்தின் பேரிலேயே யாரையும் கொல்லலாம் என மணிப்பூரில் வழங்கப்பட்டிருக்கும் அப்ஸ்பா சட்டத்திற்கு எதிராக AFSPA (Armed Forces [Special Power] ACT) பத்து வருடமாக உண்ணாவிரதம் இருந்து (அவருக்கு வலுகட்டாயமாக உணவு புகட்டப் பட்டாலும்) தனது எதிர்ப்பைப் பதிவு செய்திருக்கிறாரே ஐரம் சர்மிளா, அவரை இப்போராட்டம் எந்த அர்த்தமும் இல்லாமல் கைவிட்டு விட்டது. அணு ஆலை வரக்கூடாது என்று பத்தாயிரம் கணக்கான கிராமத்துவாசிகள் கூடங்குளத்தில் தொடர் உண்ணாவிரதம் இருக்கிறார்களே, அந்த உண்ணாவிரத்திற்கு இந்த அன்னாவின் உண்ணாவிரதம் எந்த அர்த்தத்தையும் வழங்கவில்லை.
அன்னாவின் போராட்டத்தில் மக்கள் என்பவர்கள் யார்? ஐரம் சர்மிளாவின் உண்ணாவிரத்தை ஆதரித்த மணிப்பூரிகள் மக்கள் இல்லையா? ஜகத்சிங்பூரிலும், கலிங்காநகரிலும், நியாம்கிரியிலும், பஸ்தாரிலும், செய்தாபூரிலும், சுரங்கக் கொள்ளைக் குண்டர்களுக்கு எதிராகவும், குண்டாந்தடிப் போலிஸ்காரர்களுக்கு எதிராகவும், திரண்ட ஆயிரக்கணக்கானவர்கள் மக்கள் இல்லையா? போபால் வாயு கசிவில், முடமானவர்கள், இறந்தவர்கள், மக்கள் இல்லையா? அல்லது நர்மதா பள்ளத்தாக்கில் கட்டப்பட்ட அணையால் இடம்பெயர்ந்தவர்கள் மக்கள் இலலையா? தனது நிலத்தை எடுத்துக் கொள்ளக்கூடாதென எதிர்ப்புத் தெரிவித்த, நோயிடா அல்லது புனே அல்லது ஹரியானாவைச் சார்ந்த விவசாயிகள் மக்கள் இல்லையா? அன்னாவின் போராட்டத்திற்கான மக்கள் இவர்கள் இல்லை.
பின்னர் அன்னாவின் போராட்டத்திற்கான மக்கள் யார்? தான் கோரும் லோக்பால் மசோதா பார்லிமெண்டில் விவாதத்திற்கு வைக்கப்பட்டு, சட்டமாக மாற்றப்படா விட்டால், உணவருந்தாமலேயே உயிரை மாய்த்துக் கொள்வேன் என்று கோரும், அன்னா என்ற 74 வயது மனிதனை, ஊடகத்தில் பார்க்கும் இந்த பார்வையாளர்கள்தான், அன்னாவின் போராட்டத்திற்கான மக்கள் ஆவர். எப்படி பசித்தவர்கள் புசிப்பதற்காக இயேசு கிறிஸ்து மீன்களையும் உணவுத் துண்டங்களையும் பல மடங்குகளாக ஆக்கினாரோ, அது போலவே தொலைக்காட்சி ஊடகங்கள் பல மடங்குப் பார்வையாளர்களைப் பெருக்கி, இந்த மக்களை பன்மடங்காக்கியது. "ஒரு பிலியன் குரல்கள் ஒலித்து விட்டன,” என்று நமக்குச் சொல்லப்பட்டு விட்டது. "இந்தியா என்றால் அன்னாதான்.”
மக்களின் குரலான இந்தப் புதிய சாது உண்மையிலேயே யார்? உடனடி அவசர தேவையான மக்கள் விசயங்கள் குறித்து, இவர் எதுவும் போதுமான அளவுக்கு பேசியதாக நாம் கேட்டதே இல்லை. நமது பக்கத்தில் நடந்த விவசாயிகளின் தற்கொலை குறித்தோ, அல்லது நக்சலைட்டுக்கு எதிராக நடந்த பச்சை வேட்டை ஆபரேசனைக் குறித்தோ, இவர் ஒரு வார்த்தை கூட உகுத்தது கிடையாது. சிங்கூர் பற்றியோ, நந்திகிராம் பற்றியோ, லால்கார்க் பற்றியோ, போஸ்கோ பற்றியோ, விவசாயிகள் போராட்டம் பற்றியோ, அல்லது விசேச பொருளாதார மண்டலத்திலுள்ள பிரச்சினைப் பற்றியோ, இவர் எதுவும் பேசியதில்லை. மத்திய இந்தியாவிலுள்ள காடுகளில் இந்திய இராணுவத்தை நிறுத்தி வைக்க திட்டமிட்டிருக்கும் அரசின் திட்டங்கள் குறித்து, அவருக்கு எந்த அபிப்பராயமும் இருப்பதாகத் தெரியவில்லை.
அவர் மராத்தியராக இல்லாதவர்கள் மேல் கடும் வெறுப்பை உமிழ்ந்து வரும் ராஜ் தாக்கரேயின் அரசியலை ஆதரித்தவர். 2002ம் ஆண்டு முஸ்லிம்களுக்கு எதிரான திட்டங்களைத் நேரடியாக நிர்வகித்த குஜராத் முதலமைச்சரின் "வளர்ச்சி மாதிரி"யை மனமார புகழ்ந்தவர். (இதைச் சொன்னதும் ஏற்பட்ட மக்கள் எதிர்ப்பைக் கண்டு அன்னா, தனது வார்த்தைகளை திரும்பப் பெற்றுக் கொண்டாலும், மோடி மீதான தனது உவப்பை என்றுமே வாபஸ் பெற்றதில்லை)
இந்த மாதிரியான கும்மாளத்திற்குப் பிறகும், சில அமைதியான பத்திரிகையாளர்கள், பத்திரிகையாளர்கள் செய்ய வேண்டிய வேலையைச் செய்துள்ளார்கள். ஆர் எஸ் எஸ்சுடன் அன்னாவுக்குள்ள பழைய உறவுகள், தற்போது அம்பலத்துக்கு இப்பத்திகையாளர்கள் மூலமாக வந்துள்ளது. அன்னாவின் கிராம குழுமமான ரலேகன் சித்தியில் பயின்ற, முகுல் சர்மாவைப் பற்றி நாம் இப்போது கேள்வி படுகிறோம். அங்கோ கடந்த 25 வருடமாக ஒரு கிராம பஞ்சாயத்தோ அல்லது கூட்டுறவு சொசைட்டியோ கிடையாது என்பது தெரிகிறது. ஹரிஜன் குறித்து அன்னாவின் கருத்தை அவரது வார்த்தைகள் மூலமாகவே வந்தடையலாம்: “இந்த மகாத்தமா காந்தியின் பார்வையையே ஒவ்வொரு கிராமமும் கொண்டிருக்க வேண்டும். ஒவ்வொரு கிராமத்திலும், ஒரு சமார், ஒரு சுனார், ஒரு கும்ஹர் இருக்க வேண்டும். அவர்கள் தங்களது பாத்திரம் அறிந்து, தங்களது வேலைகளைச் செய்ய வேண்டும். அப்படிச் செய்தால்தான், ஒரு கிராமம் சுயசார்புள்ளதாக இருக்கும். இதைதான் நாங்கள் ரலேகன் சித்தியில் நடைமுறைப்படுத்தி வருகிறோம்.” இப்படிப் பேசும் அன்னாவின் அணியில் இருக்கும் உறுப்பினர்கள், "சமத்துவத்திற்கான இளைஞர்கள்" என்ற இடஒதுக்கீட்டுக்கு எதிரான அமைப்பில் அங்கம் வகித்தவர்கள் என்றால், அதில் ஆச்சரியப்பட என்ன உள்ளது?
கோகோ கோலாவில் இருந்தும், லெக்மென் பிரதர்ஸில் இருந்தும் தாரளமாய் நிதி வாங்கிக் கொண்ட அரசு சாரா நிறுவனங்களை நடத்துபவர்கள்தான், அன்னாவின் கிளர்ச்சிப் பிரச்சாரத்தை முன்னின்று கையெடுத்து நடத்தியவர்கள். அன்னா அணியில் முக்கியப் பிரமுகர்களான அரவிந்த கெஜிர்வாலும் மணிஜ் சிசோடியாவும் நடத்தும் கபீர் நிறுவனம், போர்ட் பெளன்டேசனிடம் இருந்து மூன்று வருடங்களுக்கு முன்பு, 4 லட்சம் டாலர்களைப் பெற்றுள்ளது. "ஊழலுக்கு எதிரான இந்தியா" பிரச்சாரத்திற்கு நன்கொடை அளித்தவர்களில் அலுமினியம் ஆலைகளுக்குச் சொந்தமான கம்பெனிகளும் பெளன்டேசன்களும், பல துறைமுகங்களைக் கட்டிய கம்பெனிகளும் பெளன்டேசன்களும், பல விசேச பொருளாதார பகுதிகளைக் கட்டிய கம்பெனிகளும் பெளன்டேசன்களும், அரசியல்வாதிகளுடன் நெருங்கிய தொடர்புடைய ரியல் எஸ்டேட் கம்பெனிகளும் பெளன்டேசன்களும் அடக்கம். பல கோடிக் கணக்கிலான நிதி சாம்ராஜ்யத்தை நடத்துபவர்களே அந்த அவர்கள். அவர்களுக்கு நன்கொடை கொடுத்தவர்களில் பலர் ஊழலில் ஈடுபட்டதற்காக கண்காணிப்பில் இருப்பவர்களாகவும் மற்றும் பலவித பாதகக் கிரிமினல் செயற்களில் ஈடுபட்டவர்களாகவும் உள்ளார்கள். இவர்கள் அனைவரும் ஏன் அன்னாவுடன் இவ்வளவு உற்சாகத்துடன் பங்கெடுக்கிறார்கள்?
எப்போது ஜன் லோக்பால் மசோதாவிற்கான பிரச்சாரம் உச்சகட்டமடைகிறது என்பதை ஞாபகத்தில் வைத்துக் கொள்ளுங்கள்! 2G ஸ்பெட்ரம் உள்ளிட்ட பெரும் ஊழல்களும் பெரும் மோசடிகளும் விக்கிலீக் மற்றும் வெவ்வேறு மூலங்களின் வழியாக அம்பலமான போது, பல முக்கியமான கார்பரேசன்களும் மூத்த பத்திரிகையாளர்களும் காங்கிரஸ் மற்றும் நேச கட்சிகளின் மந்திரிகளும், காங்கிரஸ் மற்றும் பாரதிய ஜனதாவைச் சார்ந்த அரசியல்வாதிகளும் ஒவ்வொருவருடன் அனுசரித்து பல நூற்றுக்கணக்கான ஆயிரங்கோடி ரூபாய் பணத்தைப் பொது கருவூலத்தில் இருந்த கரந்து கொண்டு சென்றனர் என்பது தெரிந்தது. இவ்வளவு நாட்களிலும் முதன் முறையாக பத்திரிகையாளர்களும் பரிந்துரையாளர்களும் பெரும் அவமானப் பட்டார்கள். இந்தியாவிலுள்ள பெரும் கார்பரேட் தலைவர்கள் பலர், சிறைச்சாலையில் வாசம் செய்ய வேண்டிய அளவுக்குச் சிக்கிக் கொண்டுள்ளார்கள். இதுதானே மக்களின் ஊழல் எதிர்ப்புப் பிரச்சாரத்திற்கு மிகவும் அவசியமான நேரமாகும், இல்லையா?
அரசு தனது வழக்கமான கடமைகளைக் கைக்கழுவி வரும் போது, கார்பரேசன்களும் அரசு சாரா அமைப்புகளும் அரசின் கடமைகளைத் (நீர் விநியோகம், மின்சார விநியோகம், போக்குவரத்து, தொலைத்தொடர்பு, சுரங்கம், சுகாதாரம், கல்வி) தங்களது கரங்களில் எடுத்துக் கொண்டுள்ள காலமிது. கார்பரேட்டிற்குச் சொந்தமான ஊடகங்கள் பொது மக்களது எண்ணங்களைத் தங்களது கட்டுப்பாட்டுக்குள் கொண்டு வந்துள்ள காலகட்டமிது. ஆகவே தற்போது இந்த கார்பரேசன்களும் ஊடகங்களும் அரசுசாரா அமைப்புகளும் இந்த ஏதாவது ஒரு லோக்பால் மசோதாவின் அதிகாரத்திற்குள் தங்களை இணைத்துக் கொள்ள முயலும். அதற்குப் பதில், தற்போது பரிந்துரைக்கப் பட்டுள்ள மசோதா, அவர்களை முழுவதுமாய் நிராகரித்து விட்டது.
தற்போது மற்றவர்களைக் காட்டிலும் அதிகம் கூச்சல் போடுவதின் மூலமும், கேடுகெட்ட அரசியல்வாதி என்றும் அரசின் ஊழல் என்ற சங்கதியை அழுத்திப் பிரச்சாரமாகக் கொண்டு போவதின் மூலமும், தங்களை ஊழலின் கொடுக்குப் பிடியிலிருந்து விடுவித்துக் கொள்ள அவர்கள் முயல்கிறார்கள். அவர்கள் உருவாக்கிய தர்மாபோதச மேடையான அரசையே கொடூரமாகச் சித்தரித்து, அரசை பொதுவெளியில் இருந்த இன்னும் அகற்ற வேண்டுமென கோருவது, கண்டிப்பாக இரண்டாம் கட்ட சீர்திருத்தத்தை கொண்டுச் செல்வதற்காகதான். இதன் மூலம் இன்னும் தனியார் மயமாக்குதலை ஊக்குவிப்பதுவும், பொது கட்டுமானத்திலும் இந்தியாவின் இயற்கையான வளங்கைள இன்னும் அதிகமாக அணுகும் வாய்ப்பை மேம்படுத்திக் கொள்வதற்காகவும் செய்யும் முயற்சிகளே இவையாகும். இதன் மூலமாக கார்பரேசன் ஊழல்கள் சட்டப்பூர்வமாக்கப்பட்டு, அதற்குப் பரிந்துரைக்கும் கட்டணம் என்று பெயர் சூட்டப்படும்.
இந்தியாவின் 83 கோடி மக்கள் இன்னும் ஒரு நாளைக்கு இருபது ரூபாய்க்கும் குறைவான வருமானத்துடன்தான் வாழ்ந்து வருகிறார்கள். அவர்களை இன்னும் பராதிகளாக்கும் கொள்கைகளை வலுவாக்குவதின் மூலம், நாம் நமது நாட்டை ஒரு சிவில் சண்டைக்குள் முண்டித் தள்ளுகிறோம் என்றுதானே பொருள்?
இந்த அவலமான பிரச்சினை இந்தியாவின் பிரதிநிதித்துவ ஜனநாயகத்தின் கையாலாகாதத் தன்மை மூலம் ஏற்பட்டுள்ளது. இதில் மக்களைப் பிரதிநிதித்துவப்படுத்தாதவர்களான கிரிமினல்களும் கோடிஸ்வரர்களும் பாராளுமன்றவாதிகளாக ஆக்கப்படுகிறார்கள். இவ்வமைப்பில் உள்ள எந்தவொரு ஜனநாயக அமைப்பும், சாதாரண மக்களால் அணுக முடியாததாக உள்ளது. அவர்கள் கொடியாற்றுவதைப் பார்த்து ஏமாந்து விடாதீர்கள்! நாம் நமது உள்நாட்டு இறையாண்மையை அதீதபிரபுக்கள் தங்கள் கட்டுப்பாட்டுக்குள் கொண்டு வருவதற்கு நடத்தப் போகும் ஒரு போருக்குள் இழுக்கப்பட்டுக் கொண்டிருக்கிறோம். அப்போர் ஆப்கானிஸ்தானத்தின் போர்கிழார்கள் நடத்தும் சண்டையைப் போல் உக்கிரமாக இருக்கும். அதுதான் நமக்கு விதிக்கப் பட்டதாக இருக்கும் வாய்ப்புகள் உள்ளன.
ஆங்கிலத்தில் : அருந்ததி ராய் (21/08/2011, தி இந்து)
தமிழில் : சொ.பிரபாகரன்
http://www.palanibaba.in/
இடுகையிட்டது பானுப